- 2022-01-11 04:08:33
- ព័ត៌មាន
Wang Yiren សមាជិកចិនរបស់ Everglow រងការរិះគន់ទក់សាច់ ព្រោះតែមិនព្រមលុតជង្គង់គោរព Fan
- 2022-01-11 04:08:33
- ចំនួនមតិ 0 | ចំនួនចែករំលែក 0
Wang Yiren សមាជិកចិនរបស់ Everglow រងការរិះគន់ទក់សាច់ ព្រោះតែមិនព្រមលុតជង្គង់គោរព Fan
ចន្លោះមិនឃើញ
Wang Yiren ដែលជាសមាជិកជនជាតិចិនប្រចាំក្រុមចម្រៀង K-Pop Everglow ត្រូវរងនូវការវាយប្រហារយ៉ាងចាស់ដៃ ដោយសារមិនលុតជង្គង់គោរពអ្នកគាំទ្រដូចសមាជិករួមក្រុមជនជាតិកូរ៉េដទៃទៀតរបស់ខ្លួន។
កាលពីថ្ងៃទី០២ ខែមករា Everglow បានរៀបចំកម្មវិធីមួយ ដើម្បីស្វាគមន៍អ្នកគាំទ្រនៅក្នុងទីក្រុងសេអ៊ូល ហើយពេលនោះសមាជិកទាំងអស់បានលុតជង្គង់ចុះដល់ដី ដោយឱនក្បាលគោរព តាមទំនៀមទម្លាប់របស់កូរ៉េ។ ស្របពេលសមាជិកទាំងអស់អង្គុយចុះអស់ តែងាកមើល Wang Yiren វិញ បែរជាគោរពតាមស្ទីលចិន ដោយក្ដាប់ដៃម្ខាង និងលាដៃម្ខាង ក្ដោបចូលគ្នា ជាការអបអរឆ្នាំថ្មី។
តាមការឲ្យដឹង ក្នុងទំនៀមទម្លាប់ចិន ការលុតជង្គង់ចុះ គឺប្រៀបដូចជាកាយវិការបម្រើអ្នកណាម្នាក់ ហើយមិនត្រូវបានចាត់ទុកថាវាជាការគោរពបែបសមរម្យទេ។ ប៉ុន្តែនៅប្រទេសកូរ៉េខាងត្បូង វាគឺជាកាយវិការគួរសមបំផុត ដែលអាចសម្ដែងការគោរព និងអរគុណដោយស្មោះអស់ពីចិត្តចំពោះអ្នកណាម្នាក់។
ដោយសារមើលឃើញពីអាកប្បកិរិយាបែបនេះរបស់ Yiren ប្រជាជនចិនបាននាំគ្នាសរសើរពេញទំហឹងចំពោះនាង ស្របពេលនៅប្រទេសកូរ៉េ នាងត្រូវក្លាយជាផ្ទាំងស៊ីប រងនូវការរិះគន់មិនធម្មតាឡើយពេលនេះ។
មហាជនទាំងនោះបានលើកឡើងស្រដៀងៗគ្នាថា៖
- «ទៅចិនវិញទៅ»
- «កុំយកលុយនៅកូរ៉េទៅចាយឲ្យសោះ ប្រាប់ឲ្យហើយ»
- «កុំនៅទីនេះ (កូរ៉េ) ទៀត ទៅចិនវិញទៅ»
ដោយឡែកបើងាកមកជនជាតិចិនវិញក៏បានចេញការពារ និងគាំទ្រនាងដែរថា៖
- «ជនជាតិចិនមិនលុតជង្គង់ទេ»
- «ខ្ញុំរំភើបណាស់ដែល Idol ម្នាក់នេះរក្សាតម្លៃទំនៀមទម្លាប់របស់ចិន»
- «បើអ្នកលុតជង្គង់អ្នកនឹងត្រូវចិនស្ដីឲ្យ តែបើមិនលុតជង្គង់បែរជាត្រូវមាត់ជនជាតិកូរ៉េ! ធ្វើតារាមិនស្រួលទេ!»។
ទាក់ទងនឹងបញ្ហានេះ ទាំង Yiren និងផលិតកម្ម Yue Hua របស់នាងមិនទាន់ចេញមុខនិយាយអ្វីឡើយ ប៉ុន្តែនៅថ្ងៃច័ន្ទ (ថ្ងៃទី១០ ខែមករា ឆ្នាំ២០២២) ផលិតកម្មបានចេញសេចក្ដីប្រកាសមួយទាក់ទងនឹងការវិលទៅកាន់ប្រទេសចិនវិញរបស់ Yiren៖
«Yiren ត្រូវត្រឡប់ទៅកាន់ប្រទេសចិនវិញ ចាប់ពីពាក់កណ្ដាលខែមករា ដល់ចុងខែកុម្ភៈ ដើម្បីបន្តការសិក្សា ដូច្នេះនាងនឹងសម្រាកមួយរយៈនៅទីនោះ ស្របពេលត្រូវចំណាយពេលជាមួយនឹងគ្រួសារ ដែលនាងឃ្លាតឆ្ងាយ មិនបានជួបមុខយូរមកហើយ ព្រោះតែការផ្ទុះឡើងនៃមេរោគឆ្លងកូវីដ១៩»៕