ក្រោយ​ពី​ប្រកាស​ក្នុង​សនិ្នសីទ​កាល​ពី​ប៉ុន្មាន​ថ្ងៃ​មុន ពី​ការ​រក​ឃើញ​បេក្ខភាព​ចម្រាញ់ ៣៥ នៃ​កម្មវិធី Miss Grand Cambodia 2022 នោះ ឥឡូវ​នេះ ពួក​គេ​ទាំង​អស់ ត្រូវ​បាន​រៀប​ចំ​ឲ្យ​ជាមួយ Top 10 Miss Grand Thailand 2022 ដែល​ជាបទពិសោធន៍ថ្មីប្លែកមិនធ្លាប់មានពីមុនមកសម្រាប់វិស័យបវរកញ្ញានៅកម្ពុជា។

Top 10 Miss Grand Thailand បាន​មក​ដល់​កម្ពុជា​កាល​ពី​២ថ្ងៃ​មុន ហើយ​ពួក​គេ​ត្រូវ​បាន​រៀប​ចំ​ឲ្យ​ជាមួយ Top35 Miss Grand Cambodia 2022 នៅ Hall AEON MALL SEN SOK។ តាម​លោក Mr. Nawat - President of Miss Grand International និង​តំណាង​ក្រុមហ៊ុន​មហាហង្ស ជា​អ្នក​រៀប​ចំ Miss Grand Cambodia 2020បាន​ឲ្យ​ដឹង​ថា ជំនួប​ធ្វើ​ឡើង​ដើម្បី​ ឲ្យ​បេក្ខភាព​តំណាង​ប្រទេស​ទាំង​ពីរ​បាន​ជួប ជជែក​ផ្លាស់​ប្ដូរ​បទ​ពិសោធន៍ ជា​ការ​ត្រៀម​ចំពោះ​ការ​ប្រកួត​កម្រិត​អន្តរជាតិ​នា​ពេល​ខាង​មុខ។

បន្ថែម​ពី​លើ​នេះ ក្នុងជំនួបដ៏អស្ចារ្យ បេក្ខភាព​តំណាង​កម្ពុជា និង​ថៃ ត្រូវ​បាន​ឲ្យ​មានការដើរបង្ហាញខ្លួនរបស់ខ្លួន​ថែម​ទៀត​ផង។