កាលពីខែមុន អ្នកគាំទ្រ​បាន​ផ្ដោតការចាប់អារម្មណ៍ខ្លាំង​លើសលប់ នៅពេល Dispatch ទម្លាយរូបភាពណាត់ជួបរបស់ Park Min Young និង​លោក Kang Jong Hyun ដែលគេ​ស្គាល់ច្បាស់​ជានាយកក្រុមហ៊ុនទីផ្សារមូលប័ត្រធំមួយដែរនៅកូរ៉េ។

ទោះជាយ៉ាង​ណា​ងាកមកជីវិតស្នេហា បើទោះបី Park Min Young បាន​បកស្រាយហើយថានាង​ និង បុរសម្នាក់នោះបាន​បែកគ្នាទៅហើយក្ដី ក៏មហាជន​ខ្លះ​នៅ​បន្តការ​សង្ស័យហាក់មិនអស់ចិត្ត ព្រោះ​គិតថាឮសម្ដីតែម្ខាង។

ដូច្នេះ​នៅថ្ងៃទី១២ ខែតុលា លោក Kang ក៏បាន​ចេញមុខនិយាយពន្យល់នូវអ្វី​ដែល​បាន​កើតឡើង​ ដោយបញ្ជាក់ច្បាស់ៗថា៖ «ខ្ញុំ​ពិតជា​បាន​ជួប​ជាមួយនឹង​ Min Young មែន កាលពីថ្ងៃទី២៩ ខែមុន។ ប៉ុន្តែខ្ញុំ​មិនមាន​ចេតនា​ធ្វើឲ្យអាជីពការងាររបស់នាង​មាន​បញ្ហា​ដោយសារ​តែខ្ញុំ​ទេ។ នាង​ពីតជា​ស្រឡាញ់ការងារសម្ដែង​ណាស់ ដូច្នេះ​យើងក៏សម្រេច​ចែកផ្លូវគ្នា»។

លោក Kang Jong Hyun បន្ត៖ «ខ្ញុំ​មិន​ខ្វល់ថា អ្នកសារព័ត៌មាន​សរសេរចុះផ្សាយ​ពីខ្ញុំយ៉ាងណា​ទេ ប៉ុន្តែខ្ញុំ​មិនចង់ឲ្យនាង​ត្រូវ​គេ​លើកយកមកនិយាយតទៀតឡើយ»។

ទាក់ទងនឹង​រឿងឧបត្ថម្ភគាំទ្រផ្នែកហិរញ្ញវត្ថុទៅដល់ Min Young លោក Kang ក៏បាន​បញ្ជាក់ដែរថា៖ «របស់មួយគត់ដែលខ្ញុំ​បាន​ឲ្យ Min Young គឺ កាបូបម៉ាក Chanel ក្នុងថ្ងៃខួប​កំណើតរបស់នាង។ ខ្ញុំទៅវិញទេ ដែល​បាន​ទទួលកាដូដ៏ច្រើនពីនាងវិញ»។

ជាការពិតកាលពីអតីតកាលអ្នកទាំង ២ ពិតជាគូស្នេហ៍នឹងគ្នាមែន ប៉ុន្តែគ្រប់យ៉ាង​បាន​បញ្ចប់ទៅហើយដោយសន្តិវិធី ដោយពួកគេមិនមានជាប់ពាក់ព័ន្ធអ្វីនឹងគ្នាទៀតទេ។ យ៉ាងណាមិញ ក្រោយព័ត៌មានចេញផ្សាយ Min Young ក៏បាន​អះអាងដែរថា ពួកគេបាន​បែកគ្នាហើយ ហើយបើទោះនាងទាក់ទងគ្នា ឬត្រូវបាន​គេចាប់បាន ក៏នាង​មិនព្យាយាមលាក់ដែរ ព្រោះ​ដឹងខ្លួនច្បាស់ថាជាមនុស្សរបស់មហាជន​នាងមិនប្រកែកឡើយ។ ម្យ៉ាងនាង​ក៏ជា​តារាសម្ដែង​ដែលមានចរិតទទួលខុសត្រូវនឹងការងារ ដូច្នេះ​មិនចង់ឲ្យ ដោយសារតែរឿងផ្ទាល់ខ្លួន នាង​នាំឲ្យក្រុមការងារផ្សេងទៀតត្រូវខកខាន ឬមានបញ្ហាអហវីមួយមកបង្អាក់ឡើយ៕