• 2023-01-30 03:58:34
  • ព័ត៌មាន

ដល់​ថ្ងៃ​នេះ ស៊ិន យូប៊ីន ទើប​បញ្ចេញ​រឿង​ដែល​នាង​មោទកភាពបំផុត​ នៅ​កម្មវិធី​កណ្ដាលក្រុង​ប៉ារីស

  • 2023-01-30 03:58:34
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តារា​សម្ដែង​ស្រី​វ័យ​ក្មេង ស៊ិន យូប៊ិន បានលេច​មុខ​គួរ​ឲ្យ​ភ្ញាក់​ផ្អើល​ក្នុង​កម្មវិធី Fashion ដ៏​ធំ​នៅ​ទីក្រុង​ប៉ារីស​ប្រទេស​បារាំង​កាល​ពី​សប្ដាហ៍​មុន គ្រា​ដែល​នាង​បាន​រក​ឃើញ​មោទកភាព​បំផុត​មួយ​លើ​ទឹក​ដី​អឺរ៉ុប។

កម្មវិធី​ដែល យូប៊ីន បាន​ចូល​រួមនោះ​មាន​ឈ្មោះ​ថា "Christian Dior haute couture spring/summer 2023” ហើយ​នាង​ត្រូវ​បាន​អញ្ជើញ​ដោយ​ក្រុមហ៊ុន​ធំ​មួយ។ វត្តមាន​គ្រានោះ បាន​ធ្វើ​ យូប៊ីន បាន​ក្លាយ​ជា​តារា​ស្រី​កម្ពុជា​ទី​១ ដែលត្រូវ​​បាន​អញ្ជើញ​ចូល​រួម​កម្មវិធី​របស់​ប្រទេស​លោក​ខាង​លិច ហើយ​នាង​បាន​គ្រង​សំលៀកបំពាក់​ព័ណ៌​ខ្មៅ​យ៉ាង​ឡូយ មើល​ទៅ​ដូច​តារា​បញ្ចឹម​ប្រទេស។

តារាស្រី​បាន​ចែកចាយ​រូបភាព​របស់​នាង​ចេញ​ពី​កម្មវីធី​ខាង​លើ​នៅ​លើ​បណ្ដាញ​សង្គម ធ្វើ​ឲ្យ​អ្នក​គាំទ្រ​ភ្ញាក់​ផ្អើល និង​កើត​មាន​មោទកភាព​ចំពោះ​នាង។ ដោយ​ឡែក​សាមីខ្លួន ក៏​ដូច​គ្នា នាង​បាន​ប្រាប់ Sabay ថា នាង​រីករាយ និង​មោទកភាព​មែន​ទែន ព្រោះ​ថា​កម្មវិធី​មួយ​នេះ មិន​មែន​ចង់​ទៅ ក៏​បាន​ទៅ​នោះ​ទេ។

យ៉ាងណា​ដៃគូ​លោក ខាត់ វ៉ៃហាំង​រូប​នេះ ប្រាប់​ថា មាន​រឿង​មួយ​ទៀត​ដែល​នាង​មោទកភាព​បំផុត​។ “ខ្ញុំ​សប្បាយ​ចិត្ត​ចំពោះ​ឱកាស​សម្រាប់​ខ្លួន​ហើយ ហើយ​សប្បាយ​ចិត្ត​លើស​ពី​នេះ​ទៅ​នោះ គឺ​បាន​តំណាងរបស់​កម្ពុជា​ទៅ​ចូល​រួម​កម្មវិធី​នោះ ព្រោះ​ថា​ជា​ឱកាស​ដ៏​កម្រ​មែន​ទែន​របស់​កម្ពុជា​យើង...ពិសេស​នៅ​ពេល​មាន​គេ​សួរ​ថា “អ្នកឯងមកពីណា” ខ្ញុំ​មោទកភាព​នឹង​ឆ្លើយ​ថា “ខ្ញុំ​មក​ពី​កម្ពុជា!”។

កម្មវិធី "Christian Dior haute couture spring/summer 2023” បាន​ប្រមូល​ផ្ដុំ​សុទ្ធ​តារាកំពូល​ៗពី​អាស៊ី អឺរ៉ុប និង​​ហូលីវូដ​ បូក​រួម​ជាមួយ​បុគ្គល​មាន​ឥទ្ធិពល​ជា​ច្រើន​ទៀត។ ស៊ិន យូប៊ីន ប្រាប់​ថា ក្នុង​ពិធី​ដ៏​ធំ នាងបាន​ជួប​ជាមួយ​តារា​លំដាប់កំពូល​ជា​ច្រើន​រួម​មាន Kylie jenner, Jisoo(BLACKPINK) និងតារា​កូរ៉េ ហូលីវូដ​ជាច្រើន​ទៀត ដែល​បង្កើត​ឲ្យ​តារា​ស្រី​មាន​មោទកភាព។

យូប៊ីន សង្ឃឹម​ថា ដំណើរ​របស់​នាង​ទៅ​ចូល​កម្មវិធី​របស់​អឺរ៉ុប​គ្រា​នេះ នឹង​ជា​ការ​បើក​ផ្លូវ​សម្រាប​សិល្បករ​ខ្មែរ​ផ្សេង​ទៀត ឈាន​ឆ្ពោះ​ទៅ​កាន់​ឆាក​អន្តរជាតិ និង​នាំ​មោទកភាព​ថ្មី​ទៀត​មក​កម្ពុជា៕​

អត្ថបទ៖ ទារិកា

មតិយោបល់