លោកអ្នកប្រាកដជាបានស្គាល់ កញ្ញា Scarlett Bii ដែលជា Content Creator មួយរូបចូលចិត្តផលិតវីដេអូបែបរន្ធត់ វិញ្ញាណ ខ្មោច ទទួលបានការគាំទ្រយ៉ាងច្រើន ពីសំណាក់មហាជន ។

វីដេអូ នីមួយៗដែលស្រីស្អាត Scarlett Bii បានបង្ហោះនៅក្នុងបណ្តាញសង្គម ពិតជាមានអ្នកចូលមើលយ៉ាងច្រើន ដោយម្នាក់ៗលាន់មាត់ថាគ្រប់វីដេអូ ដែល Scarlett Bii បានចែករំលែកគឺសុទ្ធសឹងជារឿងគួរអោយចាប់អារម្មណ៍ ដូចទិដ្ឋភាពជាក់ស្តែង ពេលមើលវីដេអូរបស់ កញ្ញា Scarlett Bii រៀបរាប់នៅក្នុងវីដេអូ។

មិនត្រឹមតែមានសម្រស់ស្រស់ស្អាតប៉ុណ្ណោះទេ កញ្ញា Scarlett Bii ជាបុគ្គលម្នាក់ពោពេញទៅដោយចំណេះដឹងខ្ពស់ តែងតែចែករំលែកនៅ បទពិសោធន៍ក្នុងជីវិត ការលើកទឹកចិត្ត និង រឿងរ៉ាវផ្សេងៗដែលកញ្ញាបានជួប ទៅប្រិយមិត្តដែលបានគាំទ្រកញ្ញាកន្លងមក ។

គិតមកដល់បច្ចុប្បន្ន ទំព័រហ្វេសប៊ុកផេក របស់កញ្ញា Scarlett Bii មានអ្នក Follower រហូតទៅដល់ 373K និង Channel YouTube មានរហូតទៅដល់ 105K subscribers ដែលជាចំនួនមួយច្រើនគួរអោយកត់សម្គាល់ផងដែរ ។

គួររំលឹកផងដែរថា កញ្ញា Scarlett Bii មានឈ្មោះពិត សុខ សម្ផស្សកុលធីតា ជាអ្នកជំនាញផ្នែកអភិវឌ្ឍមាតិកា ហើយ កញ្ញា បានបញ្ចប់ការសិក្សាផ្នែកទំនាក់ទំនងពីវិទ្យាស្ថានភាសា បរទេស (IFL) ផងដែរ៕