គិតមកដល់ពេលបច្ចុប្បន្ន តើសមាជិកបច្ចុប្បន្ន និងអតីតរបស់ EXO មានជីវិតបែបណាខ្លះហើយ?

2023-11-24 01:00:00
ជីវិតតារា

2023-11-24 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

EXO គឺជាក្រុមដែលមានកេរ្តិ៍ឈ្មោះល្បីរន្ទឺប្រចាំវិស័យ K-Pop ពិសេសក្រោយចេញមុខភ្លាម រហូតក្លាយជានិមិត្តសញ្ញារបស់តារាជាច្រើននាក់ ក៏ដូចជាអ្នកគាំទ្រ តាមរយៈស្នាដៃដ៏ជោគជ័យ "Growl" និង "Wolf" កាលពីឆ្នាំ ២០១៣។

EXO ក្នុងឆ្នាំ ២០១៣

ទោះជាយ៉ាងណា ជារឿងស្មានមិនដល់ សមាជិកជនជាតិចិនបីនាក់ក៏បានសម្រេចចិត្តចាកចេញពីក្រុមបន្តិចជាបន្តបន្ទាប់។ អ្នកចាកចេញពីក្រុមមុនគេគឺ Kris បន្ទាប់មកគឺ Luhan និង Tao ស្របពេល Lay ត្រូវក្លាយជាសមាជិកជនជាតិចិនតែម្នាក់គត់ដែលនៅបន្តវត្តមានក្នុងក្រុមដល់បច្ចុប្បន្ន។ ក្រោយចាកចេញពីក្រុម និងផ្សងវាសនានាមជាតារាទោលនៅប្រទេសចិន ដែលជាទឹកដីកំណើត តើអតីតសមាជិកទាំងនេះមានអ្វីខ្លះមកដល់សព្វថ្ងៃ?

Luhan, Kris, Tao

Lay

១. Tao

ថ្មីៗនេះ Tao បានចេញអាល់ប៊ុមថ្មីរបស់ខ្លួនមានចំណងជើងថា «30's Club»។ ដើម្បីជាការអបអរ លោកបានធ្វើការប្រគុំតន្ត្រីលើកទីពីរនៅទីក្រុងក្វាងចូវ ប្រទេសចិន។ កាលពីការប្រគុំតន្ត្រីលើកទី ១ដោយសារស្ថានភាពសុខភាពមិនសូវជាល្អ ទើប Tao បង្ខំចិត្តលុបចោល ធ្វើឱ្យអ្នកគាំទ្រភ្ញាក់ផ្អើលបំផុត។ តាមសេចក្តីរាយការណ៍បន្តបន្ទាប់មក ការលក់សម្រាប់ការប្រគំតន្ត្រីលើកទី២នេះ មានកម្រិតទាប រហូតដល់ការប្រគំតន្ត្រីត្រូវលុបចោលជាថ្មី។

ទោះជាយ៉ាងណា ក៏នៅមានការគ្រោងទុកសម្រាប់ការប្រគុំតន្ត្រីដែលនៅសល់មួយទៀតដែរ។ ដើម្បីជម្រុញឲ្យការលក់មានប្រសិទ្ធិភាព តម្លៃត្រូវបានបញ្ចុះ ពោលគឺពី ៣៦៨ យាន់ (ខ្ទង់ ៥២,៥០ដុល្លារ)។ ថ្វីត្បិតតែមានការធ្លាក់ថ្លៃយ៉ាងគំហុកក៏ដោយ សំបុត្រនៅតែលក់អស់នៅមួយថ្ងៃមុនការប្រគុំតន្ត្រី។

២. Lay

ប្រៀបធៀប Lay ដែលបានបង្ហាញខ្លួនដំបូង (Debut) ជាមួយ Tao ក្នុងក្រុម EXO ក៏បានធ្វើការប្រគុំតន្ត្រីនៅទីក្រុង Chengdu នៅថ្ងៃតែមួយដែរ។ Lay បានលក់ការប្រគុំតន្ត្រីរបស់ខ្លួន ដោយផ្តល់ឱ្យអ្នកគាំទ្រនូវកាដូផ្សេងៗគ្នានៅថ្ងៃនៃការប្រគុំតន្ត្រីម្ដងៗ។ លោកជាតារាចម្រៀងដ៏ជោគជ័យម្នាក់នៅស្រុកកំណើត ដែលជាមោទកភាពសម្រាប់ខ្លួនផង ពិសេសសម្រាប់គ្រួសារ និងអ្នកគាំទ្រ។ ថ្មីៗនេះលោកបានសម្តែងក្នុងរឿង «No More Bets» ក្នុងនាមជាតួឯក ដោយទទួលបានជោគជ័យក្រាស់ក្រែល សម្រាប់អាជីពសម្ដែងរបស់លោក។

Lay គឺជាសមាជិកចិនតែម្នាក់គត់ដែលបានបិទកិច្ចសន្យាដែលនៅសេសសល់ជាមួយនឹងក្រុមហ៊ុន SM។ ទោះជាយ៉ាងណា លោកក៏នៅតែបន្តរក្សាទំនាក់ទំនងល្អជាមួយសមាជិក EXO ពុំប្រែដែរ ពិសេសក្នុងនាមជាកូនប្រុសរក្សាសន្យា Lay បន្តនៅជាសមាជិក EXO រហូតមកដល់បច្ចុប្បន្ន។

កេរ្តិ៍របស់តារាប្រុសរូបនេះ ហាក់កើនឡើងគួរឲ្យកត់សម្គាល់ ដោយលោកបានជាប់ចំណាត់ថ្នាក់ Top 20 នៅក្នុង Forbes China Top 100 ក្នុងរយៈពេលប៉ុន្មានឆ្នាំជាប់ៗគ្នា។ លោកក៏បានបង្កើតក្រុមហ៊ុនខ្លួនឯង មានឈ្មោះថា Chromosome Entertainment កាលពីឆ្នាំ ២០២០ ផងដែរ។

៣. Kris

អតីតសមាជិករូបនេះពេលនេះកំពុងជាប់ពន្ធនាគារ ក្រោយជាប់ពាក់ព័ន្ធនឹងការចោទប្រកាន់ពីបទរំលោភសេពសន្ថវៈ និងគេចពន្ធ។ ជនរងគ្រោះជាច្រើននាក់បានឈានដល់ការចោទប្រកាន់ Kris ពីបទទាក់ទងក្មេងស្រីមិនគ្រប់អាយុក្នុងអំពើខុសច្បាប់។

តាមការប្រកាសព័ត៌មានរបស់ តុលាការប្រជាជនជាន់ខ្ពស់ទីក្រុងប៉េកាំង បានឲ្យដឹងថា «នៅព្រឹកថ្ងៃទី ២៥ ខែវិច្ឆិកា ឆ្នាំ ២០២២ តុលាការដំបូងប្រជាជនក្រុងប៉េកាំង Chaoyang បានចេញសេចក្តីសម្រេចទាក់ទងនឹងករណីរំលោភសេពសន្ថវៈជាក្រុមសម្រាប់ចុងចោទ Kris Wu។ ចំពោះការរំលោភសេពសន្ថវៈ ជនជាប់ចោទ Kris Wu ត្រូវបានកាត់ទោសឱ្យជាប់ពន្ធនាគារ ១១ ឆ្នាំ ៦ ខែ បូករួមទាំងការនិរទេសខ្លួនផងដែរ។ ចំពោះបទចោទប្រកាន់ជាក្រុម លោកត្រូវបានកាត់ទោសឲ្យជាប់ពន្ធនាគារ ១ ឆ្នាំ ១០ ខែ។ ដូច្នេះបើបូកបញ្ចូលគ្នា លោកត្រូវបានកាត់ទោសឲ្យជាប់ពន្ធនាគារ ១៣ ឆ្នាំ បូកទាំងការនិរទេសខ្លួនចេញពីប្រទេសទៀត»។

៤. Luhan

បន្ទាប់ពីចាកចេញពីក្រុម EXO លោកបានសាងអាជីពជាតារាចម្រៀងទោល និងជាតារាសម្តែងដ៏ជោគជ័យមួយរូបនៅប្រទេសចិន។ ការចេញអាល់ប៊ុមចុងក្រោយរបស់លោក គឺនៅឆ្នាំ ២០១៧ ហើយរឿងចុងក្រោយរបស់លោកគឺ Sisyphus ចេញឆ្នាំ ២០២០។ Luhan បានបន្តបង្ហាញមុខលើគ្របទស្សនាវដ្តីផ្សេងៗ ហើយថ្មីៗនេះនៅក្នុងកម្មវិធី Produce Camp 2020 ជា Mentor ឬ អ្នកណែនាំ។ ស្ថិតក្នុងវិស័យម៉ូដ Luhan នៅតែរក្សាបានពុំប្រែឡើយ ដោយកាលពីខែ ឧសភា ឆ្នាំ ២០២៣ លោកមានមុខនៅលើ ELLE China ទៀតផង។