ស្គាល់ចិត្តថ្លើមគ្នាជ្រៅដល់ក្នុងហើយ! មិនយូរទេ Nadech និង Yaya ត្រៀមបញ្ចប់ឋានៈជាគូដណ្ដឹង និងត្រៀមរៀបការ

2023-12-19 06:45:09
ជីវិតតារា

2023-12-19 06:45:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Nadech Kugimiya និង Yaya Urassaya គឺជាគូស្នេហ៍តារាសម្ដែងលំដាប់កំពូលដែលទទួលបានក្ដីស្រឡាញ់ពីអ្នកគាំទ្រមិនត្រឹមតាមរយៈសមត្ថភាពសម្ដែងពោរពេញដោយភាពប៉ិនប្រសប់ទេ ប៉ុន្តែក្នុងជីវិតពិតនៃទំនាក់ទំនងស្នេហាក៏ពួកគេត្រូវបានគ្រប់គ្នាសាទរដែរ។

ក្រោយពី Nadech សុំ Yaya រៀបការកាលពីឆ្នាំខែមិថុនា កន្លងទៅ លោកក៏មានគម្រោងក្នុងការរៀបចំពិធីមង្គលការជាមួយគូដណ្ដឹងនៅ ២ឆ្នាំក្រោយនេះដែរ។

ផ្អែកតាមចេញផ្សាយរបស់ Ch3Plus បានឲ្យដឹងថា តារាប្រុសកើតឆ្នាំ ១៩៩១ រូបនេះ បានគិតគូរពីថ្ងៃចូលរោងការជាមួយ Yaya ហើយ ពោលគឺអាចក្នុងឆ្នាំ ២០២៥។ មូលហេតុដែលពួកគេត្រូវបន្លាយពេលរៀបការយូរបែបនេះ នោះក៏ព្រោះតែអ្នកទាំងពីរសុទ្ធតែរវល់នឹងការងារដ៏មមាញឹកនៅឆ្នាំក្រោយ (២០២៤)។

ចំពោះថ្ងៃខែជាក់លាក់វិញ ពួកគេបានត្រៀម និងរើសរួចរាល់អស់ហើយ រង់ចាំតែឱកាសល្អក្នុងការប្រកាសប៉ុណ្ណោះ ប៉ុន្តែពុំមែនពេលនេះឡើយ។

Nadech បានឲ្យដឹងដែរថា ពិធីមង្គលការរបស់ខ្លួន អាចនឹងធ្វើឡើងនៅ ៣ កន្លែងខុសគ្នា ដូចជានៅស្រុកកំណើតរបស់លោកគឺ ខេត្ត Khon Kaen, ក្រុងបាងកក និង ប្រទេសន័រវេស។

ស្របពេលទីតាំងត្រូវបានជ្រើសរើសរួចរាល់ ប៉ុន្តែសម្រាប់ការរៀបចំបែបណានោះ នៅពុំទាន់បានសម្រេចនៅឡើយទេ។ Yaya និយាយថា នាងក៏បានត្រៀមជាស្រេចហើយដែរ ថាយកអ្នកណាជាអ្នកកំដរ និងម៉ូដរ៉ូបបែបណានោះ៕