- 2024-03-19 02:19:48
- ព័ត៌មាន
ក្រោយជាប់ពន្ធនាគារពីបទជាប់ក្ដីក្ដាំ Burning Sun ពេលនេះ Jung Joon Young ត្រូវបានដោះលែងស្ងាត់ៗ
- 2024-03-19 02:19:48
- ចំនួនមតិ 0 | ចំនួនចែករំលែក 0
ក្រោយជាប់ពន្ធនាគារពីបទជាប់ក្ដីក្ដាំ Burning Sun ពេលនេះ Jung Joon Young ត្រូវបានដោះលែងស្ងាត់ៗ
ចន្លោះមិនឃើញ
យោងតាមរបាយការណ៍ចេញពីសារព័ត៌មាន News1 បានឲ្យដឹងថាលោក Jung Joon Young ត្រូវបានដោះលែងដោយស្ងាត់ៗពីពន្ធនាគារ នៅព្រឹកព្រលឹមថ្ងៃទី ១៩ ខែមីនាឆ្នាំ ២០២៤។ លោកត្រូវបានដោះលែងពីពន្ធនាគារ Mokpo នៅ Jeollanam-do នៅម៉ោង ៥ ព្រឹក (ម៉ោងនៅកូរ៉េ)។
Jung Joon Young ត្រូវបានគេឃើញចាកចេញពីពន្ធនាគារក្នុងពណ៌ខ្មៅគ្រឹប ដោយពាក់មួក ម៉ាស និងវ៉ែនតាបិទមុខជិតឈឹង។ លោកបានប្រឈមមុខជាមួយនឹងអ្នកកាសែតដែលមានវត្តមាននៅទីនោះតែមួយភ្លែតប៉ុណ្ណោះ ប៉ុន្តែទោះជាជួប ក៏លោកពុំបាននិយាយសូម្បីមួួម៉ាត់។
ឥឡូវនេះប្រព័ន្ធផ្សព្វផ្សាយកំពុងយកចិត្តទុកដាក់លើអ្វីដែល Jung Joon Young នឹងធ្វើនៅពេលអនាគត ខណៈដែលនៅពេលដែលលោកបានសារភាពចំពោះបទឧក្រិដ្ឋរបស់ខ្លួន ដោយនិយាយថាលោកនឹងបញ្ឈប់រាល់ការងារសិល្បៈទាំងអស់។
Jung Joon Young ត្រូវបានកាត់ទោសឱ្យជាប់ពន្ធនាគាររយៈពេល ៥ ឆ្នាំ ដោយសារបទល្មើសក្នុងករណី នៃបទឧក្រិដ្ឋក្ដីក្ដាំក្លឹបកម្សាន្ត Burning Sun Scandal ដោយរំលោភផ្លូវភេទលើនារីៗដែលស្រវឹង និងចែករំលែកវីដេអូមិនសមរម្យដែលលួចថតស្រីៗ៕
