គេ អាចនិយាយបានថា MV ថ្មី បែបយុវវ័យល្បីចុងឆ្នាំ២០២៤ គឺបទ “កុលាបមានបន្លា”របស់កំពូលតារាចម្រៀង ព្រាប សុវត្ថិ។ គិតត្រឹមថ្ងៃទី២៦ ខែធ្នូ នេះ ចំនួនអ្នកចូលស្ដាប់ និងទស្សនានៅតែបន្ដកើនឡើងដល់ ២៦៧,៣៤៦,៨ដង ក្រោយចេញជាផ្លូវការបានត្រឹម ១សប្ដាហ៍។

ស្រពពេលគ្នានេះបុគ្គលល្បីៗមួយចំនួន ក៏បានប្រើបណ្ដាញសង្គមផ្ទាល់ខ្លួន ដើម្បីត្រាប់តាម ដោយរាំបញ្ចេញក្បាច់ផ្សេងៗគ្នា ជាមួយទឹកមុខដ៏សប្បាយរីករាយ ស្រដៀងទៅនឹងសកម្មភាព និងទឹកមុខរបស់ម្ចាស់សំនៀងដើមដែរ។

ត្រឹមយុវវ័យ និងបុគ្គលល្បីៗ មិនអស់ចិត្ដ ឥឡូវធ្លាយចេញដល់វីដេអូយក្សល្ខោនយកបទនេះទៅត្រាប់តាមទៀត។ មុនឡើងឆាកវាយហួនសម្ដែងជូនទស្សនិកជន យក្សល្ខោនមួយក្រុម បាននាំគ្នារាំយ៉ាងឡូយ ហើយស្រុះគ្នា ជាមួយនឹងបទដ៏ពេញនិយមនេះ។

ឃើញដូច្នេះលោក ព្រាប សុវត្ថិ ដែលជាម្ចាស់បទ ក៏បានចែករំលែកសកម្មភាពត្រាប់តាមនេះ ដោយពោលពាក្យថា៖ “សម្បីយក្ស ក៏ត្រូវគេបោកដែរ…កុលាបមានបន្លាមែន?”៕