- 2016-11-25 05:03:18
- ជីវិតតារា
អែនឌី ត្រលប់ទៅអាជីពដើមវិញ ក្រោយបោះបង់ជាង១០ឆ្នាំ
- 2016-11-25 05:03:18
- ចំនួនមតិ 0 | ចំនួនចែករំលែក 0
អែនឌី ត្រលប់ទៅអាជីពដើមវិញ ក្រោយបោះបង់ជាង១០ឆ្នាំ
ចន្លោះមិនឃើញ
តារាចម្រៀង អែនឌី បានសម្រេចចិត្តវិលត្រលប់ទៅអាជីពដើមវិញ ដោយច្រៀងតាមក្លឹបរាត្រីបន្ទាប់ពីបោះបង់អស់ជាង១០ឆ្នាំ។
ថ្មីៗនេះដោយសារតែមានពេលទំនេរ និងចង់ហាត់ពត់សំឡេងផងនោះ តារាសម្បុរសាច់សខ្ចីរូបនេះ ក៏សម្រេចចិត្តចេញទៅប្រឡូក ច្រៀងតាមក្លឹបម្ដងទៀត គិតមកដល់ពេលនេះ លោកចូលច្រៀងបានបីបួនថ្ងៃហើយនៅក្លឹប Jet's Star។
"ការដែរបងចូលច្រៀងពេលយប់វិញអាចធ្វើឲ្យបងបានហ្វឹកហាត់សំឡេង ចេះបទថ្មីៗ និង មានស្ទីលច្រើន។ ពីមុនឡើយបងច្រៀងនៅ U2 និងភោជនីយដ្ឋាន តាតា ឥឡូវខានជាង១០ឆ្នាំហើយ"។ អែនឌី ថ្លែង។
ម្ចាស់បទ "នឹកបង៥០%" បានបញ្ជាក់ថា ការដែលផ្អាកពីអាជីពនេះ ព្រោះលោកមានការរវល់នឹងការងារសិល្បៈផ្សេងៗទៀតជាច្រើន រួមនិងការចេញសម្ដែងនៅក្រៅប្រទេសផងដែរ៕
