- 2016-11-29 04:45:17
- ព័ត៌មាន
Alaskoo សរសើរបវរកញ្ញាទេសចរណ៍ចំណាត់ថ្នាក់លេខ៣តំណាងកម្ពុជា
- 2016-11-29 04:45:17
- ចំនួនមតិ 0 | ចំនួនចែករំលែក 0
Alaskoo សរសើរបវរកញ្ញាទេសចរណ៍ចំណាត់ថ្នាក់លេខ៣តំណាងកម្ពុជា
ចន្លោះមិនឃើញ
លោក អៀង សំអាត ដែលគេស្គាល់ក្នុងសិល្បៈ Vj Alaskoo នោះ បានពោលសរសើរបវរកញ្ញាទេសចរចំណាត់ថ្នាក់លេខ៣តំណាងកម្ពុជា ក្រោយពីបានជួបធ្វើការងារសិល្បៈជាមួយគ្នាលើកដំបូង។
ការសិល្បៈដែល Alaskoo បានជួបធ្វើលើកទី១ជាមួយកញ្ញា ហង្ស ម៉ានីតា ជយលាភីចំណាត់ថ្នាក់លេខ៣តំណាងកម្ពុជាក្នុងកម្មវិធី Miss Tourism Metropolitan នោះ គឺការងារថតសំអាងមួយកាលពីពេលថ្មីៗ នៅលើទឹកដីនៃខេត្តសៀមរាប។
“សម្រាប់ខ្ញុំ នាងគឺស្អាត ឆ្លាត រួសរាយ ឆាប់យល់ការ និយាយទៅអ្វីដែលនាងបានធ្វើ គឺប្រៀបដូចជាសិល្បករអាជីពដែលប្រឡូកច្រើនឆ្នាំអីចឹង ខ្ញុំពិតជាភ្ញាក់ផ្អើលមែនទែនចំពោះសមត្ថភាពរបស់នាង"។ សំអាត ថ្លែង។
កាយវិការ ពាក្យសំដី ចរិតឫកពា របស់ ស្រីស្អាតកូនកាត់ខ្មែរ-បារាំង គឺជាអ្វីដែលអតីតពលករបម្រើការនៅប្រទេសកូរ៉េ យកមកធ្វើជាកម្មវត្ថុសម្រាប់ដាក់ពិន្ទុឲ្យស្រីស្អាត ក្នុងនោះAlaskoo ថ្លែងឲ្យដឹងថា ម៉ានីតា មានលក្ខណៈសម្បត្តិស័ក្ដិសមជាសិល្បករអាជីព សូម្បីតែពីមុនមក នាងមិនដែលធ្វើវាក៏ដោយ។
អៀង សំអាត និងស្រីស្អាត ហង្ស ម៉ានីតា វ័យ ១៨ឆ្នាំ បានចំណាយពេលពេញ១ថ្ងៃលើទឹកដីក្រុងអង្គរជាមួយគ្នា សម្រាប់ការងារថតសំអាងការលើកទី១ជាមួយគ្នា។ ដោយសារថា ដៃគូជាមនុស្សឆាប់យល់ការ បត់បែនបានលឿន សំអាត បញ្ជាក់ថា ការងាររបស់ពួកគេប្រព្រឹត្តទៅយ៉ាងរលូន និងមិនចំណាយពេលយូរ។
ក្រៅពីការងារជាមួយស្រីស្អាតខាងលើ លោក អៀង សំអាត ឬ Vj Alaskoo ក៏បានចាប់ដៃគ្នាជាមួយតារាស្រីល្បីៗមួយចំនួនទៀតដូចជា តូតា ហ៊ិន ច័ន្ទនីរ័ត្ន និងវីជេ អាណូ ជាដើម លើការងារថតសំអាងការដូចគ្នា។ ដោយឡែកកញ្ញា ហង្ស ម៉ានីតា វិញ គឺជាកូនកាត់ខ្មែរ-បារាំង ដោយម្ដាយជាជនជាតិខ្មែរ ឪពុកជាជនជាតិបារាំង។
ម៉ានីតា ទើបទទួលបានចំណាត់ថ្នាក់លេខ៣កាលពីសប្ដាហ៍មុនក្នុងកម្មវិធី Miss Tourism Metropolitan ធ្វើនៅកម្ពុជា។ ការថតសំអាងការខាងលើ ជាការងារសិល្បៈទី១ បន្ទាប់ពីជាប់ជយលាភីលេខ៣មក៕
