ផលិតកម្ម Rock យកថវិកាបានពីបញ្ចាំងរឿងទៅជួយកុមារកំព្រា

2016-12-23 07:32:31
ព័ត៌មាន

2016-12-23 07:32:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកមិញនេះផលិតកម្ម Rock បាននាំយកថវិកាដែលបានមកពីការបញ្ចាំងរឿងសប្បុរសធម៌ ពីរោងភាពយន្ត Major Cineplex by Cellcard ទៅជួយក្រុមកុមារជួបការខ្វះខាតនៅអង្គការមិត្តភាពកុមារកម្ពុជា និង អន្តរជាតិ (CICFO)។

លោក យឹម សុសត្យា ប្រធានគ្រប់គ្រងផលិតកម្ម Rock វិញបានលើកឡើងថានេះជាលើកទី២ហើយសម្រាប់ផលិតកម្មលោកដែលបានបង្កើតកម្មវិធីជួយសង្គម ដោយរួមសហការគ្នាជាមួយរោងភាពយន្ត Major Cineplex by Cellcard ព្រមទាំងបានបន្ថែមទឹកប្រាក់ខ្លះ ពីការបញ្ចាំងរឿងសប្បុរសធម៌លើកនេះរកថវិកាបាន ៥០៦ ដុល្លារអាមេរិក និងមានបណ្ដាក្រុមហ៊ុនមួយចំនួនទៀតផ្ដល់ជាសម្ភារៈប្រើប្រាស់ផ្សេងៗផងដែរ។

លោក យឹម សុសត្យា អ្នកតំណាងអង្គការ CICFO និង លោក សៅ សុខនី

ចំណែកលោក សៅ សុខនី នាយកប្រតិបត្តិរោងភាពយន្ត Major Cineplex by Cellcard បានលើកឡើងថា វាមិនមែនជាលើកទី១ដែលរោងកុនរបស់លោក បានចូលរួមក្នុងការងារសប្បុរសធម៌ដើម្បីជួយសង្គម។ ហើយនៅឆ្នាំ ២០១៧ ខាងមុខនេះវិញ Major Cineplex by Cellcard ក៏បានត្រៀមកម្មវិធីជាច្រើនទៀតផងដែរដូចជា ចាក់ភាពយន្តឥតគិតថ្លៃដល់កុមារជាដើម។

សម្រាប់ អ្នកតំណាងអង្គការ CICFO វិញបានថ្លែងដោយក្ដីរំភើបថា៖ "ខ្ញុំនិងក្មេងៗពិតជាសប្បាយចិត្តខ្លាំងដែល Major និង Rock បានរួមគ្នាចែករំលែកក្ដីស្រលាញ់ចំពោះក្មេងៗជួបការខ្វះខាតនៅទីនេះ"។ អ្នកស្រីបន្តទៀត ជំនួសមុខឲ្យអង្គការទាំងមូលសូមអរគុណជាខ្លាំងសម្រាប់ក្រុមហ៊ុនទាំង២ដែលបានធ្វើសប្បុរសធម៌ចំពោះក្មេងៗជាពិសេសបាននាំពួកគេទៅញ៉ាំផ្លូវមាន់នៅ Delux Chicken ផងដែរ៕