Christmas ឆ្នាំនេះ គ្មានសង្សារគ្មានកាដូ អូនអត់ខ្វល់ សំខាន់អូននៅផ្ទះចាំមើល Cambodian Idol រដូវកាលទី២ វគ្គផ្ដាច់ព្រ័ត្រ

2016-12-23 12:00:00
ព័ត៌មាន

2016-12-23 12:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី២ បានឈានចូលដល់វគ្គផ្ដាច់ព្រ័ត្រហើយ នៅថ្ងៃអាទិត្យ សប្ដាហ៍នេះ ចំថ្ងៃបុណ្យណូអែលតែម្ដង បន្ទាប់ពីឆ្លងកាត់វគ្គជម្រុះជាច្រើនដំណាក់កាលនាពេលកន្លងមក។

វគ្គផ្ដាច់ព្រ័ត្រនេះ នៅសល់តែបេក្ខជនកំពូល ៣ រូបប៉ុណ្ណោះដែលត្រូវប្រកួតប្រជែងបន្តទៀត ដើម្បីក្លាយជាម្ចាស់ដណ្ដើមពានរង្វាន់ Cambodian Idol រដូវកាលទី២។ បេក្ខជនកំពូលទាំង ៣ រូប មាន៖

បេក្ខនារី ឈិន ម៉ានិច មកពីខេត្តកំពង់ស្ពឺ
បេក្ខជន នួន សុធារក្ស មកពីខេត្តពោធិ៍សាត់
បេក្ខនារី ហ៊ិន លីដា មកពីខេត្តកំពង់ឆ្នាំង។

រង់ចាំមើលថាតើ បេក្ខជនកំពូលទាំង ៣ រូបនេះ នឹងមានអ្វីប្លែកបន្តទៀត ដើម្បីទាក់ទាញចំណាប់អារម្មណ៍ពីទស្សនិកជន? ហើយថាតើបេក្ខជនកំពូលរូបណាដែលទទួលបានសំឡេងបោះឆ្នោតច្រើនជាងគេ និងក្លាយជាម្ចាស់ជយលាភី?

កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី២ បានចម្រាញ់បេក្ខជនរាប់ម៉ឺននាក់ ដោយឆ្លងកាត់វគ្គជម្រុះជាច្រើន ដូចជា៖

វគ្គជម្រុះដំបូង Pre Audition ធ្វើនៅទូទាំងប្រទេស
វគ្គជម្រុះដោយគណៈកម្មការ Judge Audition ធ្វើនៅស្ទូឌីយោទូរទស្សន៍ហង្សមាស HDTV នៅលើផ្សារទំនើបអ៊ីអនម៉លជាន់ទី៤
វគ្គ Theater Round 1 ធ្វើនៅលើឆ្នេរសមុទ្រខេត្តព្រះសីហនុ
វគ្គ Theater Round 2 ធ្វើនៅលើកំពូលភ្នំបូកគោ
វគ្គ Green Mile ធ្វើនៅ The Base Club រាជធានីភ្នំពេញ។
ទីបំផុតមានតែបេក្ខជនកំពូល ១២ រូបប៉ុណ្ណោះដែលត្រូវគណៈកម្មការទាំង៤ ជ្រើសរើសយកទៅប្រកួតប្រជែងបន្តទៀតក្នុងវគ្គ Live Show។ ឆ្លងតាមការប្រឡង៨សប្ដាហ៍រួចមក បេក្ខជន ៩ រូបត្រូវចាកចេញពីកម្មវិធី ហើយនៅសល់តែបេក្ខជនកំពូល ៣ រូបប៉ុណ្ណោះដែលនឹងត្រៀមខ្លួនប្រកួតប្រជែងដណ្ដើមពានរង្វាន់ក្នុងវគ្គផ្ដាច់ព្រ័ត្រ។

ចង់ដឹងថាតើក្នុងរាត្រីវគ្គផ្ដាច់ព្រ័ត្រនេះ នឹងអស្ចារ្យ កក្រើក ភ័យរន្ធត់ រំភើបកម្រិតណា? ហើយបេក្ខជនរូបណាដែលក្លាយជាម្ចាស់ជយលាភី? សូមកុំភ្លេចចូលរួមទស្សនាដោយផ្ទាល់នៅ Studio ទូរទស្សន៍ហង្សមាស HDTV នៅលើផ្សារទំនើបអ៊ីអនម៉ល ឬក៏អាចទស្សនាតាមកញ្ចក់ទូរទស្សន៍ ហង្សមាស HDTV ចាប់ពីម៉ោង ៨ យប់តទៅ។ បេក្ខជនជយលាភី នឹងទទួលប្រាក់រង្វាន់ ១៥០ លានរៀល និងក្លាយជាតារាចម្រៀងកុងត្រាប្រចាំផលិតកម្មរស្មីហង្សមាស៕

ដោយ៖ សុផាត