- 2017-01-11 00:33:00
- ព័ត៌មាន
កូនស្រី ហួរ ឡាវី កកាយរឿងកេរ្តិ៍ឈ្មោះ នៅផលិតកម្មហង្សមាស
- 2017-01-11 00:33:00
- ចំនួនមតិ 0 | ចំនួនចែករំលែក 0
កូនស្រី ហួរ ឡាវី កកាយរឿងកេរ្តិ៍ឈ្មោះ នៅផលិតកម្មហង្សមាស
ចន្លោះមិនឃើញ
វី ឌីណែត បានចូលប្រឡូកសិល្បៈតាំងពីអាយុ១២ ឆ្នាំ ប៉ុន្តែកេរ្តិ៍ឈ្មោះរបស់នាងមិនទទួលបានការចាប់អារម្មណ៍ពីសំណាក់ទស្សនិកជនឡើយ។ នាងទើបចាប់ផ្តើមលេចធ្លោពេលបានចូលផលិតកម្មរស្មីហង្សមាស។ នេះបើតាម វី ឌីណែត ប្រាប់មកកាន់Sabay។
ម្ចាស់បទ "ទូរស័ព្ទប្រាប់ផង" ឲ្យដឹងថា នាងចូលសិល្បៈមុនដំបូងតាមរយៈការប្រឡងចម្រៀងកុមារនៅទូរទស្សន៍ប៉ុស្តិ៍លេខ៣ ក្រោយពីប្រឡងចម្រៀងរួចមកកេរ្តិ៍ឈ្មោះរបស់នាង មិនទទួលបានការចាប់អារម្មណ៍ពីមហាជនប៉ុន្មានទេ។ "ច៎ាសបងកេរ្តិ៍ឈ្មោះខ្ញុំចាប់ផ្តើមទទួលស្គាល់ពីទស្សនិកជន ពេលដែលខ្ញុំចូលមកច្រៀងនៅផលិតកម្មរស្មីហង្សមាសនេះឯង"។
កូនស្រីតារាចម្រៀងជើងចាស់លោក ហួរ ឡាវី បន្ថែមថា ផលិតកម្មហង្សមាសប្រៀបដូចជាផ្ទះទី២របស់នាង ដែលធ្វើឲ្យនាងមានមុខមាត់នៅលើវិថីសិល្បៈមួយនេះ ។ នៅឆ្នាំ២០១៧នេះខាងផលិតកម្មក៏បានត្រៀមបទចម្រៀង១០បទសម្រាប់នាងផងដែរ។
ចំពោះការចូលខ្លួនមកប្រឡូកលើវិថីសិល្បៈរបស់កញ្ញា វី ឌីណែត មានការជួយជ្រោមជ្រែងពីសាច់ញាតិបងប្អូនជាពិសេសគឺលោកប៉ា( ហួរ ឡាវី ) របស់នាងតែម្តង។ វីឌី ណែត បញ្ជាក់៕
