- 2017-01-17 09:18:17
- ព័ត៌មាន
ឆាកជីវិតក្មេងកំព្រាដ៏កម្សត់ រស់ឥតទីពឹង កំពុងតែរំជួលចិត្ត សាយ សៀរ៉ា និងប្រិយមិត្តលើបណ្តាញសង្គម
- 2017-01-17 09:18:17
- ចំនួនមតិ 0 | ចំនួនចែករំលែក 0
ឆាកជីវិតក្មេងកំព្រាដ៏កម្សត់ រស់ឥតទីពឹង កំពុងតែរំជួលចិត្ត សាយ សៀរ៉ា និងប្រិយមិត្តលើបណ្តាញសង្គម
ចន្លោះមិនឃើញ
តារាសម្ដែង សាយ សៀរ៉ា បានប្រកាសថាខ្លួននិឹងជួយដល់ក្មេងកំព្រា ឪពុកស្លាប់ ម្ដាយរត់ចោល នៅឯខេត្ត កំពង់ឆ្នាំង ចំនួន៣០ ដុល្លារ បន្ទាប់ពីលោកបានឃើញវីដេអូស្ដីពីជីវិតកម្សត់នៃក្មេងទាំង២នាក់នេះ។
ការប្រកាសជួយនេះ តារាសម្ដែងមានកំណើតមកពីខេត្ត កំពង់ចាមរូបនេះ បានធ្វើឡើងតាមរយៈFacebookផ្ទាល់ខ្លួនលោក ស្របពេលដែលក្មេងកម្សត់ទាំង២នាក់បងប្អូននេះ ត្រូវបានមហាជនសម្ដែងការអាណិតអាសូរជាខ្លាំង ព្រមទាំងមានការឧបត្ថម្ភជាបន្តបន្ទាប់។
ក្មេងកម្សត់ទាំង២នាក់ខាងលើត្រូវបានឪពុកស្លាប់ចោល ហើយម្ដាយរត់ទៅធ្វើការនៅប្រទេសថៃចោល២ឆ្នាំមកហើយ។ ពួកគេរស់នៅក្នុងផ្ទះតូច១ ស្ថិតក្នុង ភូមិ ដំណាកកី ឃុំ ជើងគ្រាវ ស្រុក រលាប្អៀរ ខេត្ត កំពង់ឆ្នាំង ដោយពឹងលើការសុំទាន និង ធ្វើអំបោសលក់ ចិញ្ចឹមជីវិត។
បងប្អូនសាកស្រមៃមើលថា ឆាកជីវិតក្មេងកម្សត់ទាំងពីរអាយុ ទើបតែប្រមាណ៦ឆ្នាំ បែរជាមកជួបរឿងរ៉ាវអភ័ព្វបែបនេះ រស់នៅខ្វះទីពឹង តែលតោល គ្មានភាពកក់ក្តៅដូចក្មងដទៃ រីឯជម្រកក៏ធ្លុះធ្លាយរហែក ហើយពេលមានភ្លៀងផ្គររន្ទះ តើទាំងពីរនាក់នឹងវេទនា បែបណា?
រស់នៅតែលតោលមិនដូចកូនគេរិះរេជុំវិញ មានតែពីរនាក់បងប្អូន ងាកទៅគេឃើញមានមេបាហៅ ខុសអីតែឯង គ្មានឪពុកម្តាយហៅនឹងគេ តើពេលឈឺថ្កាត់ បានអ្នកណាមើលថែ ទិញថ្នាំ ឲ្យ? វ័យប៉ុននេះគួរណាស់តែបានចូលសាលាសិក្សានឹងគេ តែក្មេងតូចកម្សត់នេះ បែរជាមកដើរសុំទាន ឆ្ការព្រៃ យកមកធ្វើអំបោសលក់ ដើម្បីចិញ្ចឹមក្រពះទៅវិញ៕
