ទីបំផុតស្នេហា ផាន់ ផាត់ណា ត្រូវបានបញ្ចប់

2017-02-09 06:35:53
ជីវិតតារា

2017-02-09 06:35:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ផាន់ ផាត់ណា បានប្រាប់ Sabay ថាស្នេហារបស់នាងដែលខំប្រើពេលវេលាសិក្សាពីចិត្តគ្នាទៅវិញទៅមករយៈពេលជិត២ឆ្នាំមកនេះត្រូវបានបញ្ចប់នៅដើមឆ្នាំ២០១៧នេះ។

ដើមហេតុនៃការបែកបាក់ស្នេហានេះដោយសារតែការរស់នៅមិនចុះសម្រុងជាមួយគ្នារវាងនាង និងគូស្នេហ៍ទើបសម្រេចចិត្តជ្រើសរើសផ្លូវដើររៀងខ្លួនទៅចុះ។ ស្នេហារបស់នាងចាប់ផ្ដើមរីកលូតលាស់ឡើងនៅចុង ឆ្នាំ២០១៥ តែវាបានបញ្ចប់ទៅវិញនៅក្នុងឆ្នាំ ២០១៧។ ផាន់ ផាត់ណា បន្ត។

ស្រីស្អាតវ័យ២៣ ឆ្នាំរូបនេះថ្លែងថា៖ “និយាយរួមទៅបងខ្ញុំ និងគាត់មានរឿងជាច្រើនដែលមិនចុះសម្រុងនឹងគ្នា ព្រោះនេះមិនមែនជាលើកទី១ទេដែលពួកយើងឈ្លោះគ្នា ខ្ញុំរាងចាលហើយស្នេហាដែលមានឈ្មោះត្រឹមជាសង្សារ"។ បើសិនជាមានស្នេហាលើកក្រោយទៀតដាច់ខាតនាងអត់ឲ្យមានឈ្មោះជាសង្សារទេ គឺនាងនឹងយកមកធ្វើជាគូអនាគតហើយបុរសនោះ ត្រូវតែចូលស្ដីដណ្ដឹងនាងទៅតាមប្រពៃណីខ្មែរទើបនាងព្រម។ នាងបន្ថែម។

គួរបញ្ជាក់ ថា ប្រុសស្នេហ៍ទី១របស់ ផាន់ ផាត់ណា ដែលបែកបាក់គ្នាដោយសារតែការរស់នៅមិនចុះសម្រុង និងគ្នានេះ គឺជាអ្នកសិល្បៈដូចគ្នាតែនាងសុំមិនបញ្ចេញឈ្មោះបុរសម្នាក់នោះឡើយ។ តែកន្លងមកជារឿយៗ នៅក្នុងគណនីបណ្តាញសង្គមរបស់តារាស្រីរូបនេះ តែងបង្ហោះរូបភាពស្និទ្ធស្នាល ជាមួយគូស្នេហ៍ដែលគេដឹងថា ជាអ្នកដឹកនាំសម្តែងម្នាក់នៅផលិតកម្មថោន៕

អត្ថបទ៖ ឆុង ស៊ីណាន