- 2017-04-17 03:35:09
- ព័ត៌មាន
អ្នកព្រះសីហនុមកលេងឆ្នាំថ្មីនៅសៀមរាបឈ្នះរង្វាន់ម៉ូតូធំពី GANZBERG យ៉ាងឡូយយប់មិញ
- 2017-04-17 03:35:09
- ចំនួនមតិ 0 | ចំនួនចែករំលែក 0
អ្នកព្រះសីហនុមកលេងឆ្នាំថ្មីនៅសៀមរាបឈ្នះរង្វាន់ម៉ូតូធំពី GANZBERG យ៉ាងឡូយយប់មិញ
ចន្លោះមិនឃើញ
ស្រាបៀរ GANZBERG បានប្រគល់រង្វាន់ម៉ូតូធំ២គ្រឿងដល់អតិថិជនដែលមានសំណាងឈ្នះពីព្រឹត្តិការណ៍ប្រគំតន្ត្រីយក្ស GANZBERG UBER CONCERT ក្នុងឱកាសបុណ្យចូលឆ្នាំថ្មីប្រពៃណីជាតិអង្គរសង្ក្រាន្តដែលទើបបញ្ចប់ទៅកាលពីយប់មិញ។
សម្រាប់អតិថិជនដែលបានទិញស្រាបៀរ GANZBERG ក្នុងព្រឹត្តិការណ៍ប្រគំតន្ត្រី៣ថ្ងៃនៃបុណ្យចូលឆ្នាំថ្មីប្រពៃណីជាតិមានឱកាសឈ្នះរង្វាន់ជាច្រើនក្នុងនោះទូរទស្សន៍ ម៉ូតូ និងវត្ថុអនុស្សាវរីយ៍ជាច្រើនទៀត។ រាត្រីចុងក្រោយនៃបុណ្យចូលឆ្នាំថ្មី ម៉ូតូធំ FZ ២គ្រឿងត្រូវបានចាប់ឆ្នោតស្វែងរកឃើញម្ចាស់ហើយ និងបានប្រគល់ដល់ម្ចាស់ផ្ទះទាំងពីរក៏រួចរាល់ដែរ។
អ្នកដែលមានសំណាងឈ្នះរង្វាន់គឺស្ត្រីឈ្មោះ ណុំ រី អាយុ៣០ឆ្នាំរស់នៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។ ស្ត្រីមានសំណាងរូបនេះបានឲ្យដឹងថា គាត់បានមកលេងកម្សាន្តខេត្តសៀមរាបក្នុងឱកាសបុណ្យចូលឆ្នាំថ្មីប្រពៃណីជាតិ ហើយក៏បានចូលមើលការប្រគំតន្ត្រី GANZBERG UBER CONCERT។ គាត់ និងគ្រួសារបានទិញស្រាបៀរពិសា ហើយក៏មានសំណាងឈ្នះម៉ូតូធំដែលស្ទើរមិនជឿថា ចូលឆ្នាំថ្មីភ្លាម ឈ្នះភ្លាមបែបនេះទេ។
ចំណែករង្វាន់ម៉ូតូធំទី២បានធ្លាក់ទៅលើដៃម្ចាស់សំណាងឈ្មោះ ឈឿន ឈាវ ដែលមានស្រុកកំណើតនៅខេត្តសៀមរាបតែម្តង។
ការប្រគំតន្ត្រី GANZBERG UBER CONCERT នារាត្រីចុងក្រោយបុណ្យចូលឆ្នាំថ្មីប្រពៃណីជាតិទទួលបានការចាប់អារម្មណ៍រាប់ពាន់នាក់ដែលបានចូលរួមទស្សនា និងសប្បាយរីករាយជាមួយកំពូលតារាចម្រៀងល្បីៗជាច្រើនរូបជាលោក ខេមរៈ សិរីមន្ត កញ្ញា សុខ ពិសី លោក ឆាយ វីរៈយុទ្ធ លោកនីកូ លោកអ៊ីណូ កញ្ញាយូរី ក្រុមតារាកំប្លែងពែកមី និងតារាចម្រៀងជាច្រើនទៀត៕
