- 2017-06-17 03:54:01
- ជីវិតតារា
គិតមិនដល់ថា ឆុំ វត្តី អៀនដល់ថ្នាក់ហ្នឹងផង
- 2017-06-17 03:54:01
- ចំនួនមតិ 0 | ចំនួនចែករំលែក 0
គិតមិនដល់ថា ឆុំ វត្តី អៀនដល់ថ្នាក់ហ្នឹងផង
ចន្លោះមិនឃើញ
បើទោះសិល្បៈគ្រាន់ជាការសម្ដែងក៏ពិតមែន ប៉ុន្តែភាពជាក្រមុំ បានធ្វើឲ្យកញ្ញា ឆុំ វត្តី មានភាពអៀនខ្មាសនៅក្នុងការសម្ដែង ពិសេសគឺឈុតឱបថើបតែម្ដង ដែលពេលសម្ដែងឈុតនេះម្ដងៗ នាងរឹងខ្លួនពិបាកចូលតួបំផុត។
ភាពអៀនខ្មាសនោះ បានកើតមានតាំងពីចូលសិល្បៈដំបូង ដោយនាងប្រាប់ថា អោយតែការសម្ដែងមានឈុតបែបនេះ គឺនាងពិបាកចូលតួណាស់ ព្រោះអារម្មណ៍អៀននៅជាប់នឹងខ្លួនជានិច្ច។ ដូច្នេះហើយដោយសារតែការអៀនប្រៀន ទើបតួស្រីក្នុងរឿង "ហ្លួងព្រះស្ដេចកន" រូបនេះប្រាប់ថា ធ្លាប់គេចដោយការផ្អាកការងារសិល្បៈមួយរយៈទៀតផង យកពេលទៅធ្វើជំនួញជាជំនួសវិញទៀតផង។
ស្រីស្អាតរូបនេះ បានចំណាយពេលប្រមាណ២ឆ្នាំជាមួយការងាររកស៊ីខាងផ្នែកសម្ផស្ស ហើយក្រោយមកដោយយល់ថាខ្លួន ចាស់ចិត្តចាស់គំនិតជាងមុនក្នុងការងារសិល្បៈហើយ ក៏បានសម្រេចចូលមកសិល្បៈម្ដងទៀត ស្របពេលមានផលិតកម្មក្នុងស្រុកមួយបានហៅនាងឲ្យសម្ដែងផង។ វត្តី បានចូលសម្ដែងលើកទី១ក្នុងរឿង "សាកលវិទ្យាល័យកំណើតស្នេហ៍" សម្ដែងជាតួឆ្នាស។
បន្តមកទៀត នាងក៏ត្រូវខាង BBC ទាក់ទងឲ្យសម្ដែងរឿងរបស់ពួកគេទៀតក្នុងគម្រោង "ស្នេហ៍៩"។ រឿងនេះហើយ ដែលតារាស្រីសម្បុរស្រអែមរូបនេះ ប្រាប់ថា នាងបានជួបភាពខ្មាសអៀនសារជាថ្មី។ "រឿងហ្នឹងហើយ ដែលខ្ញុំគិតថាជារឿងដែលខ្ញុំអៀនខ្លាំងបំផុត ព្រោះរឿងហ្នឹងអប់រំពីយើងពីការការពារខ្លួនពាក់ព័ន្ធនឹងផ្លូវភេទជាដើម ហើយពាក្យសំដីដែលប្រើក្នុងរឿងហ្នឹង ក៏ស៊ីជម្រៅដែរ និយាយទៅ ខ្ញុំអៀនមែនក្នុងរឿងហ្នឹង!”។
បន្ទាប់ពីរឿងស៊េរី "ស្នេហ៍៩" ដោយឃើញពីសមត្ថភាពរបស់ វត្តី នាងត្រូវបានគេផ្ដល់ឱកាសឲ្យចូលរួមថតរឿងឲ្យផលិតកម្មខ្មែរមេគង្គ និងផលិតកម្មក្នុងស្រុកជាច្រើនទៀត ដែលនាងសម្ដែងសុទ្ធជាតួឯក ហើយក្នុងតំណែងនេះនាងនៅតែជួបឈុតស្នេហាឱបថើប ខណៈអារម្មណ៍ខ្មាសអៀនក៏នៅតែមាន គ្រាន់តែនាងប្រាប់ថា នាងហាក់សុំា និងសម្របខ្លួនបានជាងមុន។
កញ្ញា ឆុំ វត្តី គឺអតីតបេក្ខនារីក្នុងកម្មវិធី "ស្រីឆ្លាត ប្រុសឆ្លាត" ឆ្នាំ ២០០៨ ដែលរៀបដោយទូរទស្សន៍ CTN ។ នាងមិនបានជាប់ជយលាភីទេ តែបានដល់វគ្គ ១០នាក់ចុងក្រោយ។ បែបនេះក្ដី នាងក៏ចាប់ផ្ដើមមានការងារសិល្បៈក្រោយប្រឡងក្នុងកម្មវិធីខាងលើ ដោយនាងទទួលបានការងារសម្ដែង និងដើរម៉ូដ។
ប៉ុន្តែអំឡុងឆ្នាំ ២០០៩ នាងបានឈប់វិញទៅរកស៊ីអស់រយៈពេលប្រមាណជា ៥ ទើបវិលចូលសិល្បៈជាថ្មី ដោយបានសម្ដែងរឿងជាច្រើនរឿងគិតមកដល់បច្ចុប្បន្ន។ សរុបរឿងដែលកញ្ញា ឆុំ វត្តី បានចូលសម្ដែងមានដូចជា "សាកលវិទ្យាល័យកំណើតស្នេហ៍" “វិកលចរិត" “ខ្សែកពេជ្រ" “ឈាមស្នេហ៍ក្បត់បេះដូង" “វិរសេនីយ៍កំពូលស្នេហ៍" និងរឿងដែលគួរចាប់អារម្មណ៍ គឺរឿង "ហ្លួងព្រះស្ដេចកន"៕
