- 2017-10-06 04:58:33
- ជីវិតតារា
មិនងាយនោះទេ តារា K-Pop ត្រូវឆ្លងកាត់៩ដំណាក់កាលនេះសិនទើបអាចបង្ហាញមុខ
- 2017-10-06 04:58:33
- ចំនួនមតិ 0 | ចំនួនចែករំលែក 0
មិនងាយនោះទេ តារា K-Pop ត្រូវឆ្លងកាត់៩ដំណាក់កាលនេះសិនទើបអាចបង្ហាញមុខ
ចន្លោះមិនឃើញ
តារា K-Pop ម្នាក់ៗ ត្រូវចំណាយពេលយូរណាស់ ទម្រាំក្លាយជាជនល្បី និងឈានទៅសម្រេចក្ដីស្រមៃរបស់ខ្លួន។ ជាក់ស្ដែងពួកគេត្រូវឆ្លងកាត់ឧបសគ្គជាច្រើន តស៊ូគ្រប់បែបយ៉ាងមុនអាចបង្ហាញខ្លួនជាផ្លូវការ ក្នុងនាមជាតារាចំណូលថ្មីក្នុងពិភពសិល្បៈ។ ថ្ងៃនេះ ប្រិយមិត្តនឹងបានជ្រាបច្បាស់ ថាតើតារាកូរ៉េទាំងនោះ ត្រូវជួបរឿងរ៉ាវអ្វីខ្លះ មុនឈានដល់ថ្ងៃនេះ?
ជំហានទី ១៖ ការហ្វឹកហាត់មុនប្រឡង
អ្វីគ្រប់យ៉ាងត្រូវចាប់ផ្ដើមជាមួយការហ្វឹកហាត់ មុនឈានដល់ពេលប្រកួតប្រជែង។ ក្មេងៗ (អ្នកប្រឡងចូលវិស័យសិល្បៈ) ត្រូវតែមានសមត្ថភាពពិសេស និងខ្លាំងក្នុងពេលប្រឡង។ ហេតុនេះពួកគេ ត្រូវចំណាយពេលអនុវត្តនៅសាលា ផ្ទះ គ្រប់ទីកន្លែង ដើម្បីឲ្យការសម្ដែងរបស់ខ្លួនកាន់តែល្អ។
ជំហានទី ២៖ វគ្គប្រឡងជម្រុះ
កាលណាជឿជាក់នឹងទេពកោសល្យរបស់ខ្លួនហើយ ពួកគេនឹងចូលរួមក្នុងការប្រឡងជាច្រើន។ នេះ មានន័យថាចេញពីក្រុមហ៊ុនមួយ ទៅក្រុមហ៊ុនមួយទៀត ប្រឡងម្ដងហើយម្ដងទៀត ដោយគ្មានការធុញទ្រាន់ ឲ្យតែបានជាប់។
ជំហានទី ៣៖ ការចុះកុងត្រា
នៅពេលដែលបេក្ខជនមួយចំនួនបានជាប់វគ្គប្រឡងជម្រុះហើយ ពួកគេត្រូវចុះកុងត្រា ពី២ ទៅ៤ឆ្នាំ។ ត្រង់ចំណុចនេះ មិនមែនមានន័យថា ក្រោយចុះកុងត្រា ពួកគេនឹងបានចេញមុខលើវិថីសិល្បៈភ្លាមៗទេ។ តាមពិត កុងត្រានោះ ជាកុងត្រាទទួលយកបុគ្គលម្នាក់ចូលក្នុងវគ្គបណ្ដុះបណ្ដាលរបស់ក្រុមហ៊ុនប៉ុណ្ណោះ ឧទាហរណ៍ជាក់ស្ដែងដូច ក្រុម SM Rookie និង JYP Trainees ជាដើម។
ជំហានទី ៤៖ ការហ្វឹកហាត់ដ៏សែនពិបាករាប់ឆ្នាំ
អ្នកចូលថ្មីទាំងអស់ ត្រូវរងសម្ពាធខ្លាំងណាស់ពីការហាត់ច្រៀង រាំ សម្ដែង រៀនភាសា និងកត្តាផ្សេងទៀត អំឡុងពេលប្រកួតជាមួយអ្នកផ្សេងទៀត។ មានភាគរយតិចណាស់ដែលអាចឆ្លងផុតវគ្គនេះ និងបានក្លាយជាតារាជាប់កុងត្រា។
ជំហានទី ៥៖ បោះបង់ការសិក្សា
ចូលក្នុងវិស័យសិល្បៈ តារាៗត្រូវចំណាយពេលស្ទើរមួយថ្ងៃសម្រាប់ហ្វឹកហាត់។ ក្នុងមួយថ្ងៃ យ៉ាងហោចណាស់ ក៏ ១៥ម៉ោងដែរ គឺចាប់ពីម៉ោង ១០ព្រឹក ដល់ម៉ោង ១០យប់ ដែលនេះជាហេតុធ្វើឲ្យយុវវ័យទាំងនោះមិនមានពេលគ្រប់គ្រាន់សម្រាប់ការសិក្សា រហូតអ្នកខ្លះត្រូវឈប់រៀនទៀតផង។ ប៉ុន្តែយ៉ាងណាមិញ ក៏នៅមានតារាខ្លះនៅតែឆ្លៀតពេល និងជម្នះបាន រហូតបញ្ចប់ការសិក្សាដោយជោគជ័យ។
**ជំហានទី ៦៖ កិច្ចការផ្ទះ
ទាំងការធ្វើកំហាត់ប្រាណ របបអាហារប្រចាំ ថ្ងៃ និងការថែរាង ត្រូវប្រុងប្រយ័ត្នខ្ពស់បំផុត។ ជាមួយគ្នានោះ ការអប់រំសុខភាពផ្លូវភេទ និងសីលធម៌ ក៏ត្រូវបានលើកយកមកបង្រៀនជារឿយៗដែរ។
ជំហានទី ៧៖ ត្រូវទទួលស្គាល់លទ្ធផលក្រោយហ្វឹកហាត់
ឈានចូលដំណាក់កាលនេះ មានតែអ្នកហ្វឹកហាត់ប៉ុន្មាននាក់ប៉ុណ្ណោះ ដែលមានសំណាងបានចាត់ចូលក្រុមថ្មី និង បង្ហាញមុខ។ ក្រុមហ៊ុន សម្រេចជ្រើសយកតែអ្នកដែលជា អ្នកសកម្ម និងមានសមត្ថភាពពិសេសជាងគេប៉ុណ្ណោះឲ្យក្លាយជាតារា។
ជំហានទី ៨៖ ចេញមុខក្នុងសិល្បៈដំបូង (Debut)
បន្ទាប់ពីឆ្លងកាត់ឧបសគ្គនានា មុនចេញមុខជាផ្លូវការ តារាចំណូលថ្មីទាំងនោះត្រូវចាប់ផ្ដើមពង្រឹងសមត្ថភាពបន្ថែម កាន់តែខ្លាំង។ ឈានដល់ដំណាក់កាលនេះ ពួកគេត្រូវប្រកួតប្រជែងជាមួយ ក្រុម ឫតារាល្បីផ្សេងទៀតជាច្រើន ដើម្បីឲ្យមហាជនស្គាល់ក្រុមខ្លួននីមួយៗ។
ជំហានទី ៩៖ ទទួលបានកេរ្តិ៍ឈ្មោះល្បីល្បាញ
ក្រុមដែលជោគជ័យ នឹងទទួលបានភាពល្បីល្បាញយ៉ាងអស្ចារ្យ។ ក្នុងនោះការងារជាច្រើននឹងរត់មករកពួកគេដូចជា មានទីផ្សារច្រើន ទាំងភាពយន្ត ស្ប៉តពាណិជ្ជកម្ម និងជួបរឿងពិសេសជាច្រើនដែលបានមកពីវិស័យ K-Pop៕
