- 2017-11-26 03:12:26
- ជីវិតតារា
គង់ វង្សយ៉ាទី មិនចង់មានឈ្មោះខ្លួនមួយជិះទូកពីរ
- 2017-11-26 03:12:26
- ចំនួនមតិ 0 | ចំនួនចែករំលែក 0
គង់ វង្សយ៉ាទី មិនចង់មានឈ្មោះខ្លួនមួយជិះទូកពីរ
ចន្លោះមិនឃើញ
ព្រោះតែមិនចង់មានឈ្មោះចាប់ត្រីដៃពីរ តារាសម្ដែង និងពិធីការិនីល្បីឈ្មោះ គង់ វង្សយ៉ាទី មិនសូវបង្ហាញមុខក្នុងខ្សែភាពយន្ត។ កញ្ញាថា មួយរយៈមកនេះខ្លួនជាប់រវល់ការងារមួយទៀត គឹធ្វើជាពិធីការិនីឲ្យក្រុមហ៊ុនច្រើននៅតាមបណ្ដាខេត្ត ។
តារាស្រីរូបស្រស់ស្អាតមានសមត្ថភាព បានបោះបង់ឱកាសការងារក្នុងការសម្ដែងខ្សែភាពយន្តជាច្រើនរឿងឲ្យផលិតកម្មផ្សេងៗ ។ ពិធីការិនីស្រស់សោភាបា្រប់ Sabay ថា នាងក៏ស្ដាយចំពោះការមិនទទួលសម្ដែង ព្រោះសុទ្ធសឹងជាការងារនាងស្រលាញ់ ។ «ការងារអ្នកសម្ដែង និងពិធីករ គឺជាមុខរបររបស់យើង ខ្ញុំស្រលាញ់ណាស់។ និយាយទៅក្នុងឆ្នាំ២០១៧នេះ ខ្ញុំទទួលការងារជាពិធីការិនីឲ្យក្រុមហ៊ុនផ្សេងនៅតាមបណ្ដាខេត្តច្រើន ។ អ៊ីចឹងខ្ញុំមិនអាចទទួលថតរឿងបានទៀតទេ ធ្វើម៉េចយើងរវល់ កុំឲ្យគេថាខ្លួនមួយជិះទូកពីរ។»
ក្រោយពេលទៅកើបប្រាក់នៅតាមបណ្ដាខេត្តជាពិធីការិនីឲ្យក្រុមតាមក្រុមហ៊ុនផ្សេងៗ និងស្ថានីយទូរទស្សន៍ជាច្រើនក្នុងឆ្នាំ២០១៧ នៅក្នុងឆ្នាំ២០១៨ ស្រីស្អាត យ៉ាទី ថា បើមិនជាប់រវល់នឹងការងារពិធីការនីច្រើននាងចាប់ផ្តើមទទួលថតភាពយន្តខ្លះវិញ។ តែទោះជាយ៉ាង ពិធីការិនីពូកែវោហារម្នាក់នេះបច្ចុប្បន្នមិនមានកុងត្រាជាពិធីការិនីឲ្យស្ថានីយទូរទស្សន៍ណាឡើយ៕
ចុចអាន៖
