- 2017-12-11 03:07:14
- ព័ត៌មាន
លេចមុខតារាជើងចាស់ ខៃ ប្រសិទ្ធ មកជួយសង្គ្រោះជីវិត ពេជ្រ ចរណៃ
- 2017-12-11 03:07:14
- ចំនួនមតិ 0 | ចំនួនចែករំលែក 0
លេចមុខតារាជើងចាស់ ខៃ ប្រសិទ្ធ មកជួយសង្គ្រោះជីវិត ពេជ្រ ចរណៃ
ចន្លោះមិនឃើញ
ទីបំផុតអតីតតារាសម្តែងជើងចាស់ដែលបានទៅរស់នៅទឹកដីអូស្ត្រាលីលោក ខៃ ប្រសិទ្ធ បានជួយសង្គ្រោះជីវិតតារាស្រី ពេជ្រ ចរណៃ ដែលមានជំងឺប្រើសបេះដូង ត្រូវការវះកាត់បន្ទាន់។
កាលពីថ្ងៃទី១០ ធ្នូ ម្សិលមិញនេះ នៅលើគណនីហ្វេសប៊ុកលោក ខៃ ប្រសិទ្ធ បានសរសេរថា ដូចបានសន្យា ថ្ងៃនេះខ្ញុំនៅជាមួយ ពេជ្រ ចរណៃ និងគ្រួសារនាងនៅមន្ទីរពេទ្យប្រទេសថៃ ដើម្បីលើកទឹកចិត្តនាងអស់ពីចិត្ត ព្រោះចង់ឃើញស្នាមញញឹមនាងសារជាថ្មី។
មិនត្រឹមតែមានទឹកចិត្តខំស្កាត់ពីប្រទេសអូស្ត្រាលីមកមើល ពេជ្រ ចរណៃ នៅថៃនោះទេ លោក ខៃ ប្រសិទ្ធ ថែមទាំងចេញថ្លៃវះកាត់ឲ្យ ពេជ្រ ចរណៃ ដល់ទៅជិត២ម៉ឺនដុល្លារ។
បើតាមសារព័ត៌មានក្នុងស្រុកមួយចំនួនបានចុះផ្សាយថា មូលហេតុដែលលោក ខៃ ប្រសិទ្ធ សម្រេចចិត្តជួយសង្គ្រោះជីវិតតារារូបនេះ ព្រោះតែជីវភាពនាងខ្វះខាតខ្លាំង ដូច្នេះលោកមិនដាច់ចិត្តឱបដៃឈរមើលនាងស្លាប់ព្រោះតែគ្មានថវិកានោះឡើយ ហើយលោកក៏មិនមែនជាអ្នកមាននោះដែរ។
ទឹកចិត្តដ៏ប្រពៃរបស់អតីតតារាសម្តែងជើងចាស់រូបនេះ កើតចេញប៉ុន្មានថ្ងៃក្រោយពី ពេជ្រ ចរណៃ ដង្ហោយរកជំនួយ ១ ៨០០០ ដុល្លារ ដើម្បីឲ្យបង់ថ្លៃវះកាត់ជំងឺបេះដូងរបស់នាង៕
