តារាចាស់ស្ទាវ Aaron Kwok ទិញ Ferrari មួយគ្រឿងតម្លៃជាង២លានដុល្លារ
ក្នុងពិធីបុណ្យអុំទូកនៅប្រទេសចិន (Dragon Boat Festival) កាលពីថ្ងៃទី ៩ ខែមិថុនា តារាសម្ដែងជើងចាស់ហុងកុង Aaron Kwok បានបង្ហោះរូបឡានស្ព័រ Ferrari ថ្មីសន្លាងមួយគ្រឿងដែលខ្លួនទើបនឹងទិញលើបណ្ដាញសង្គម។
តារាវ័យ៥០ឆ្នាំគឺជាបុគ្គលម្នាក់ដែលមានចំណង់ចំណូលចិត្តលើឡានប្រភេទប្រណាំង ហើយលោកតែងតែប្រមូលទិញឡានទាំងនោះពីជុំវិញពិភពលោក។ Aaron បានសរសេរភ្ជាប់ជាមួយរូបឡានលើបណ្ដាញសង្គម Weiboថា៖ "រីករាយថ្ងៃបុណ្យអុំទូក! ខ្ញុំពិតជារីករាយខ្លាំងណាស់ថ្ងៃនេះ ព្រោះខ្ញុំអាចទទួលបានឡានក្នុងក្ដីស្រមៃរបស់ខ្ញុំគឺ Ferrari FXX-K ដែលយកមកឲ្យផ្ទាល់ដោយលោក Matteo ជានាយកប្រតិបត្តិក្រុមហ៊ុន Ferrari ប្រចាំប្រទេសចិន"។
Ferrari FXX-K គឺជាប្រភេទឡានដាក់លក់មានកំណត់ ដោយមានតែ៣២គ្រឿងប៉ុណ្ណោះដែលមានកម្លាំង ១០៣៥សេះ និងផលិតក្នុងឆ្នាំ២០១៥ ហើយតម្លៃរបស់វាមិនក្រោម ២,៧លានដុល្លារទេ៕
ចុចអាន៖Aaron Kwok អាយុ៥០ប៉ុន្តែមានមិត្តស្រីសាច់ខ្ចីល្វក់អាយុប្អូនជិតពាក់កណ្ដាល
ប្រែសម្រួល៖ ហេង សុធារិទ្ធិ
ប្រភព៖ jaynestars
