មកដឹងហេតុផល ធ្វើឱ្យរោងភាពយន្ត Major Cineplex by Smart បន្តបើកសាខាថ្មី មិនពឹងលើការវិនិយោគខាងក្រៅ

2018-03-20 03:28:30
ព័ត៌មាន

2018-03-20 03:28:30
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ រោងភាពយន្ត Major Cineplex by Smart បើកដំណើរការរោងភាពយន្តថ្មីដល់ទៅ២កន្លែងផ្សេងគ្នា ដើម្បីឆ្លើយតបតម្រូវការបន្ថែមរបស់អតិថិកជន ហើយក៏ជាឱកាសមួយសម្រាប់ផលិតករភាពយន្តខ្នាតធំបង្ហាញស្នាដៃរបស់ខ្លួនកាន់តែច្រើន។

ដោយបន្ចុប្បន្នចំនួនអ្នកទៅទស្សនាភាពយន្តនៅតាមរោងភាពយន្តទំនើបកំពុងតែកើនឡើងគួរឱ្យគត់សម្គាល់ ក្នុងនោះរោងភាពយន្ត Major Cineplex by Smart បើកដំណើរការសាខាទីមួយ លើកដំបូងនៅឆ្នាំ ២០១៤ ក៏ទទួលបានភាពជោគជ័យជារៀងរាល់ឆ្នាំ។ កត្តានៃភាពជោគជ័យ និងចេះតែពង្រីកបន្តនេះ លោក សៅ សុខនី នាយកគ្រប់គ្រង Major Cineplex by Smart បានប្រាប់ឱ្យដឹងថា ដោយសារការជ្រើសរើសផលិតផលដ៏ត្រឹមត្រូវ ដែលឆ្លើយតបនឹងតម្រូវការ ជាពិសេសគុណភាព របស់ Major គឺ សេវាកម្មដែលអតិថិជនពេញចិត្ត។

ក្រៅពីនោះលោក សុខនី បញ្ជាក់ថា Major Cineplex by Smart មានធនធានមនុស្សដ៏មានសម្ថភាពយល់ច្បាស់ពីការងារជាក្រុម ជាមួយទីតាំងដ៏សមប្រកប និងការដាក់តម្លៃត្រឹមត្រូវសមល្មមនឹងស្តង់ដារចំណាយរបស់ប្រជាពលរដ្ឋក្នុងទីក្រុងភ្នំពេញ និងក្នុងខេត្តសៀមរាប។

គួរបញ្ជាក់ផងដែរ Major Cineplex by Smart ជារោងភាពយន្តស្តង់ដារ ដូចសណ្ឋាផ្កាយប្រាំ ប្រជាជនគ្រប់ស្រទាបវណ្ណៈអាចចូលទស្សនាបានគ្រប់គ្នា ជាមួយការផ្តល់ជូនតម្លៃពិសេសសម្រាប់សិស្ស និស្សិតមានលទ្ធភាពចូរលទស្សនាភាពយន្តកម្សាន្តអារម្មណ៍ និងបានរៀនសូត្រពីការទស្សនាភាពយន្តកម្សាន្តផងដែរ។

ទាក់ទងនឹងការបោះទន់ពង្រីកសាខាថ្មីជាបន្តបន្ទាប់ លោក សៅ សុខនី បញ្ជាក់ថា Major Cineplex by Smart ប្រើប្រាស់ចំណូលដែលចំណេញពីសាខាទី ១ នៅផ្សារទំនើប អ៊ីអន ១ និងការបង្រ្គប់បន្ថែមដោយម្ចាស់ភាពហ៊ុនដៃគូ គឺមិនមានការទទួលបានវិនិយោគពីខាងក្រៅបន្ថែមទៀតនេះ។ លើសពីនោះទៀត លោក សុខនី ក៏ថ្លៃបញ្ជាក់ពីដំណឹងបើកសាខាធំ ទី ៤ បន្ថែម ជាមួយបច្ចេកវិទ្យា iMax ដែលជាភាពយន្ត អេក្រង់យក្ស ជាមួយបច្ចេកវិទ្យាបំពងសំឡេងងចុងក្រោយបង្អប់របស់រោងភាពយន្តអន្តរជាតិ៕

អត្ថបទ៖ Sunny