- 2018-06-11 14:10:45
- ព័ត៌មាន
David Beckham និងភរិយា បង្ហាញខ្លួនជាមួយគ្នា ក្នុងកម្មវិធីបង្ហាញម៉ូដក្រោយពីមានចចាមអារ៉ាមលែងលះ
- 2018-06-11 14:10:45
- ចំនួនមតិ 0 | ចំនួនចែករំលែក 0
David Beckham និងភរិយា បង្ហាញខ្លួនជាមួយគ្នា ក្នុងកម្មវិធីបង្ហាញម៉ូដក្រោយពីមានចចាមអារ៉ាមលែងលះ
ចន្លោះមិនឃើញ
នៅថ្ងៃទី១០ ខែមិថុនា កីឡាករ David Beckham និងភរិយា Victoria Beckham បានបង្ហាញខ្លួនជាមួយគ្នា ក្នុងកម្មវិធីបង្ហាញម៉ូដសំលៀកបំពាក់ នៅទីក្រុងឡុងដុង ប្រទេសអង់គ្លេស ក្រោយពីលេចឭពាក្យចចាមអារ៉ាមថា គូភរិយានេះលែងលះគ្នា។
ការបង្ហាញខ្លួនរបស់គូស្វាមីភរិយាមួយគ្នា ត្រូវបានគេសង្កេតឃើញថា មិនមានភាពសោះអង្គើយអ្វីឡើយ ពោលអ្នកទាំងពីរស្និទ្ធនឹងគ្នានៅក្នុងកម្មវិធីដូចធម្មតា។
ជាតួយ៉ាង ក្នុងការថតរូប កីឡាករ David Beckham ញញឹមយ៉ាងស្រស់ ហើយយកដៃដាក់ស្មាភរិយា ហើយភរិយាលោក Victoria Beckham ក៏យកដៃអោបដាក់លើដៃស្វាមីវិញដែរ។
ជាមួយគ្នានេះ ភរិយាលោក David Beckham ក៏បានចែកចាយសារលើបណ្ដាញសង្គម Instagram ថា "ពិតជាមានមោទកភាពខ្លាំងចំពោះ @davidbeckham @daniel.kearns @kentandcurwen X beautiful collection x kisses @edward_enninful @mrkimjones VB “
យ៉ាងណាមិញ តាមសារព័ត៌មានអន្តរជាតិ The Guardian បានឲ្យដឹងថា គូស្វាមីភរិយាមួយគូនេះ មិនបានមកកម្មវិធីនេះជាមួយគ្នាឡើយ ពោលគឺមកដាច់ផ្សេងពីគ្នា ។
ទាក់ទិននឹងពាក្យចចាមអារ៉ាមលែងលះគ្នានេះ អ្នកនាំពាក្យរបស់លោក David Beckham បានឲ្យដឹងថា "មិនមានការលែងលះអ្វីឡើយ ។ ព័ត៌មាននៅលើបណ្ដាញសង្គមនោះ គឺជាព័ត៌មានក្លែងក្លាយទេ"។
គួរបញ្ជាក់ផងដែរ ពេលបច្ចុប្បន្ននេះ កីឡាករ David Beckham និងភរិយាមានបុត្រសរុបទាំងអស់៤នាក់ហើយ៕
