/5b207e82354f1_1528856160_medium.png)
- 2018-06-13 02:24:53
- ព័ត៌មាន
ខួបកំណើត Jooy ឆ្នាំនេះមិនអធិកអធមដូចគេ តែសែនមានន័យបំផុត
- 2018-06-13 02:24:53
- ចំនួនមតិ 0 | ចំនួនចែករំលែក 0
ខួបកំណើត Jooy ឆ្នាំនេះមិនអធិកអធមដូចគេ តែសែនមានន័យបំផុត
ចន្លោះមិនឃើញ
ខួបកំណើតឆ្នាំថ្មីរបស់តារាថៃ Jooy Warattaya កាន់តែពិសេសពីមួយឆ្នាំទៅមួយឆ្នាំ ហើយមានការចូលរួមជាពិសេសសុទ្ធតែមនុស្សជាទីស្រឡាញ់ជុំវិញខ្លួន។
ថ្ងៃទី ១១ ខែមិថុនា ឆ្នាំ២០១៨ គឺជាខួបកំណើតគម្រប់ ៣៥ឆ្នាំរបស់តារាសម្ដែងប្រចាំប្រទេសថៃ Jooy Warattaya។ ឱកាសពិសេសនោះដែរ ប្រារព្ធឡើងលក្ខណៈសាមញ្ញៗតែពោរពេញទៅដោយភាពកក់ក្ដៅ និងជាការរៀបចំជាពិសេសពី DJ Push សំណព្វចិត្តរបស់ម្ចាស់ខួប។ តារាប្រុសរូបនោះ បានត្រៀមនំខួបកំណើតដែលមានលម្អដោយរូបតុក្កតាកូនក្រមុំពីលើ។
ដើម្បីអរគុណចំពោះទឹកចិត្តដ៏ល្អនេះ Jooy បានបង្ហោះរូបភាពជាមួយគូស្នេហ៍ អមជាមួយសារដ៏មានន័យមួយដ៏វែង មានសេចក្ដីថា៖ "មនុស្សសំខាន់ម្នាក់នេះមានវត្តមានក្នុងថ្ងៃខួបកំណើតខ្ញុំ ៥ឆ្នាំហើយ តាំងតែជាមិត្តនឹងគ្នា ហើយទោះបីជារវល់នឹងការងារយ៉ាងណា ក៏នៅតែឆ្លៀតពេលរៀបចំថ្ងៃពិសេសនេះជានិច្ចដែរ។ របស់មានតម្លៃអ្វីឡើយក៏មិនត្រូវការដែរ សុំត្រឹមតែក្ដីសុខបែបនេះមានរាល់ថ្ងៃក៏ព្រម ជាពិសេសសុំឲ្យសប្បាយចិត្តរៀងរាល់ថ្ងៃ។ អរគុណដែលកាន់ដៃជាប់មិនលែងបែបនេះរហូតមកណា #jooybd2018 @push_dj”។
ក្រៅពីនេះនាងក៏បានអរគុណគ្រប់គ្នា ដែលបានចូលរួមថ្ងៃពិសេសនេះដែរ។
ក្ដីស្រឡាញ់របស់ គូស្នេហ៍ទាំង ២កាន់តែមានឲ្យគ្នាច្រើនទៅៗ ឃើញហើយអ្នកគាំទ្រទាំងអស់ពិតជារំភើបជំនួស ទោះបីកន្លងមកមានអ្នកខ្លះមិនសូវពេញចិត្តឲ្យពួកគេស្រឡាញ់គ្នា ដោយសារគម្លាតអាយុ ប៉ុន្តែក្រោយយល់ពីទំហំក្ដីស្រឡាញ់មិនអាចវាស់បាននេះ ទើបអ្នកទាំងនោះបែរជាសាទរ និងជូនពរបន្ថែមទៀតផង៕
