- 2018-06-25 02:16:38
- ព័ត៌មាន
អុញនោះ! គៀត សុវណ្ណឡាង ធ្លោយមាត់ប្រាប់ថា លឹម ជាឡាយ មានចំណុចដូចបុរសក្នុងក្ដីស្រមៃ
- 2018-06-25 02:16:38
- ចំនួនមតិ 0 | ចំនួនចែករំលែក 0
អុញនោះ! គៀត សុវណ្ណឡាង ធ្លោយមាត់ប្រាប់ថា លឹម ជាឡាយ មានចំណុចដូចបុរសក្នុងក្ដីស្រមៃ
ចន្លោះមិនឃើញ
តារាសម្ដែងកំពុងមានប្រជាប្រិយប្រិយភាព គៀត សុវណ្ណឡាង បានប្រាប់ពីបុគ្គលិកលក្ខណៈបុរសក្នុងក្ដីស្រមៃដែលនាងចង់បានជាគូអនាគត ធ្វើឲ្យអ្នកគាំទ្រចាប់ផ្ដើមចាប់អារម្មណ៍ជាថ្មី ព្រោះចំណុចរបស់បុរសដែលស្រីស្អាតរូបនេះប៉ងជាគូគ្រង មានលក្ខណៈដូចគ្នាមួយចំនួននឹងលោក លឹម ជាឡាយ។
មិនលាក់លាំងសូម្បីបន្តិច តួឯកក្នុងរឿង "ក្រមុំបាយឆា" ប្រាប់ថា បុរសដែលនាងប្រាថ្នា សំខាន់មានអត្តចរិតល្អ ចេះស្រលាញ់ក្រុមគ្រួសារ និងសាច់ញាតិ ព្រមទាំងផ្ដល់តម្លៃ និងមានគំនិតចេះគិតគូរ។ រីឯទ្រព្យសម្បត្តិ មិនចាំបាច់មានពេកទេ សុំត្រឹមតែមានទំនួលខុសត្រូវ និងចេះរៀបចំបែបផែនជីវិតគ្រួសារ គឺគ្រប់គ្រាន់ហើយ។ នៅពេលសួរថា សម្រាប់ លោក លឹម ជាឡាយ តើមានចំណុចដូចទៅនឹងបុរសក្នុងក្ដីស្រមៃរបស់សុវណ្ណឡាងឬទេ? តារាសម្ដែងសើចស្រស់រូបនេះ ធ្លោយប្រាប់ថា បើមើលពីការរាប់អានគ្នាកន្លងមក ឃើញថា លោក លឹម ជាឡាយ មានចំណុចមួយចំនួនដូចផងដែរ។ " បើមើលទៅ គាត់មានចំណុចខ្លះដូចទៅនឹងបុរសក្នុងក្តីស្រមៃរបស់ខ្ញុំ ព្រោះគាត់ចេះគោរពចាស់ទុំ និងផ្ដល់តម្លៃដល់ខ្ញុំផងដែរ"។
ទោះជាយ៉ាងណា កញ្ញា គៀត សុវណ្ណឡាង អះអាងថា ទំនាក់ទំនងរវាងនាង និងលោក ជាឡាយ មិនមែនជាស្នេហានោះទេ គ្រាន់ជាមិត្តរួមអាជីពសិល្បៈជាមួយគ្នាប៉ុណ្ណោះ បើទោះពេលខ្លះអ្នកទាំងពីរមានភាពស្និទ្ធស្នាលនឹងគ្នាពិតមែន។
យ៉ាងណាក៏ដោយ អតីតតារាចម្រៀងរូបនេះ ហាក់មិនទាន់ចង់គិតរឿងគូស្នេហ៍ទេ ដោយចង់ពង្រឹងស្នាដៃសិល្បៈឱ្យកាន់តែខ្លាំងថែមទៀត ខណៈទីផ្សារភាពយន្ត និងការឈរជាតំណាងផលិតផលនានា កំពុងមមាញឹកខ្លាំង៕
