- 2018-06-30 07:43:58
- ព័ត៌មាន
Zayn ពញ្ញាក់អារម្មណ៍អ្នកគាំទ្រ ដោយបង្ហាញបទចម្រៀងក្នុងអាល់ប៊ុមទី២ របស់លោក
- 2018-06-30 07:43:58
- ចំនួនមតិ 0 | ចំនួនចែករំលែក 0
Zayn ពញ្ញាក់អារម្មណ៍អ្នកគាំទ្រ ដោយបង្ហាញបទចម្រៀងក្នុងអាល់ប៊ុមទី២ របស់លោក
ចន្លោះមិនឃើញ
តារាចម្រៀង Zayn Malik បានពញ្ញាក់អារម្មណ៍អ្នកគាំទ្ររបស់លោក ដោយបានប្រកាសថាអាល់ប៊ុមចម្រៀងថ្មីទី២របស់លោក គឺជិតបញ្ចប់រួចរាល់។
ក្រោយពីបានបញ្ចេញអាល់ប៊ុមបទចម្រៀងរបស់លោកកាលពីឆ្នាំ ២០១៥ តារាចម្រៀងវ័យ ២៥ ឆ្នាំរូបនេះ នៅតែបន្តការធ្វើបទចម្រៀងរបស់លោក ដើម្បីជាការបម្រើអារម្មណ៍ទស្សនិកជនរបស់ខ្លួនលោកផ្ទាល់។
ជាការភ្ញាក់ផ្អើល កាលពីថ្មីៗនេះ តារាចម្រៀងរូបនេះ បានឲ្យតម្រុយទៅកាន់អ្នកគាំទ្ររបស់លោកថា ឆាប់ៗនេះ នឹងមានអ្វីពិសេសសម្រាប់ប្រិយមិត្តរបស់លោក។ ដោយធ្វើការប្រកាសលើគណនី Twitter របស់លោកផ្ទាល់ តារាចម្រៀង Zayn បានប្រាប់អ្នកគាំទ្ររបស់លោកថា៖ "អាល់ប៊ុមគឺកាន់តែជិតរួចរាល់ហើយ និងមានរឿងគួរឲ្យភ្ញាក់ផ្អើលខ្លះៗសម្រាប់អ្នកទាំងអស់គ្នាផងដែរ តោះសាកស្ដាប់រសជាតិថ្មី"។
គួរបញ្ជាក់ដែរថា ទោះបីជាមិនទាន់មានព័ត៌មានច្បាស់លាស់ណាមួយអំពីអាល់ប៊ុមថ្មីរបស់លោកក៏ដោយ ប៉ុន្តែតាមរយៈសារដែលបានប្រកាសលើបណ្ដាញសង្គមនេះ អាចបញ្ជាក់បានថា Zayn នឹងមានអ្វីពិសេសសម្រាប់អ្នកគាំទ្ររបស់លោកក្នុងឆ្នាំនេះ៕
Album is on the way,
Got a few surprises for you too .. here’s a taster
