- 2018-07-08 01:59:10
- ព័ត៌មាន
ម្ដងនេះ មាស សាលី ទម្លាយខ្ទេចរឿង ចាន់ សម័យ ធ្លាក់ខ្លួននៅផ្ទះជួល និង ដើរស្ទូចត្រីចញ្ចឹមក្រពះ
- 2018-07-08 01:59:10
- ចំនួនមតិ 0 | ចំនួនចែករំលែក 0
ម្ដងនេះ មាស សាលី ទម្លាយខ្ទេចរឿង ចាន់ សម័យ ធ្លាក់ខ្លួននៅផ្ទះជួល និង ដើរស្ទូចត្រីចញ្ចឹមក្រពះ
ចន្លោះមិនឃើញ
ក្រោយពីទទួលដំណឹងថាម្ចាស់បទ"មិនស្រឡាញ់អូនមិនបាន" ធ្លាក់ខ្លួនរស់នៅផ្ទះជួល ដើរស្ទូចត្រីចិញ្ចឹមក្រពះតាមមាត់ទន្លេរួចមកលោក មាស សាលី ត្រូវជាមិត្តភ័ក្ដិស្និទ្ធស្នាល បានចុះទៅដល់ផ្ទះជួល ចាន់ សម័យ ភ្លាមៗដើម្បីឲ្យដឹងការពិត។
លោក មាស សាលី ឲ្យដឹងថា ជុំវិញរឿង ចាន់ សម័យ ធ្លាក់ខ្លួនដើរស្ទូចត្រី និងរស់នៅផ្ទះជួលជាការពិត ព្រោះកាលពីម្សិលមិញលោក បានទៅដល់ផ្ទះតារាចម្រៀងរូបនេះដោយផ្ទាល់នៅម្ដុំជ្រោយចង្វា ឃើញថាជីវភាពពិតជាយ៉ាប់យ៉ឺនខ្លាំង មិនធូរធារ ដូចពេលមុនឡើយ។ ខ្លួនមានអារម្មណ៍អាណិត និងសោកស្ដាយយ៉ាងខ្លាំងមិនគួរពួកម៉ាក់ជាទីស្រឡាញ់ធ្លាក់ខ្លួនដល់ថ្នាក់នេះសោះ។
“មូលហេតុដែលគាត់( ចាន់ សម័យ) ធ្លាក់ខ្លួនទៅជាបែបនេះ ដោយសារតែគាត់បរាជ័យក្នុងការរកស៊ី ត្រូវបានចោរលួចកាបូបលុយ ហើយអំឡុងពេលនេះទោះបីជាមានកម្មវិធីហៅគាត់ទៅច្រៀង ក៏គាត់មិនបានទៅដែរ ព្រោះគាត់មានរបេងឆ្អឹងឈរមិនបានយូរ ត្រឹម ៥នាទីអីហ្នឹងគាត់ឈឺហើយ"។ មាស សាលី បន្ថែម។
មាស សាលី ថា នៅពេលដែល ចាន់ សម័យ ឈរច្រៀងយូរមិនបានដូចពេលមុនធ្វើឲ្យម្ចាស់កម្មវិធីគេមិនសប្បាយចិត្ត។ ដូច្នេះពេលកម្មវិធីទាក់ទងឲ្យម្ចាស់បទ"មិនអាចគ្មានអូន" ឲ្យទៅច្រៀងលោក តែងតែបដិសេធជានិច្ច ព្រោះខ្លាចបំពេញការងារឲ្យគេមិនបានល្អ ។
ចំណែកឯ ចាន់ សម័យ ទោះបីជាមិត្តភ័ក្ដិសិល្បៈ មួយចំនួនបានអះអាងថា តារាចម្រៀងរូបនេះពិតជាធ្លាក់ខ្លួនដុនដាមក្ដីមកដល់ពេលនេះ លោកនៅតែ មិនចេញមុខបកស្រាយអ្វីឡើយ។ ទូរស័ព្ទហៅចូលមិនមានអ្នកទទួល៕
