- 2018-07-26 02:48:39
- ព័ត៌មាន
រិន សាវ៉េត ប្រាប់អារម្មណ៍ពិត លែងលាក់លៀមចំពោះផលិតកម្មខ្លួន ពេលគ្មានបទចម្រៀងលើទីផ្សារ
- 2018-07-26 02:48:39
- ចំនួនមតិ 0 | ចំនួនចែករំលែក 0
រិន សាវ៉េត ប្រាប់អារម្មណ៍ពិត លែងលាក់លៀមចំពោះផលិតកម្មខ្លួន ពេលគ្មានបទចម្រៀងលើទីផ្សារ
ចន្លោះមិនឃើញ
ក្រោយពីមហាជនជាច្រើនមើលឃើញថា តារាចម្រៀង រិន សាវ៉េត មិនសូវមានបទចម្រៀងថ្មីច្រៀង ក៏ដូចជាឡើងច្រៀងតាមកម្មវិធីតន្ត្រីផ្សេងៗ និងសកម្មភាពលេចធ្លោក្នុងផលិតកម្ម ហង្សមាស ពេលនេះម្ចាស់បទ "ចាំជួបរាល់ថ្ងៃលិច" បានបកស្រាយពីអារម្មណ៍ពិត ឥតលាក់លៀមចំពោះផលិតកម្មដែលខ្លួនជ្រកកោនអស់ពេលជាង១០ឆ្នាំ។
លោក រិន សាវ៉េត ប្រាប់ថា លោកមិនចាកចោលផលិតកម្មរបស់ខ្លួននោះទេ បើទោះតារាចម្រៀងជាច្រើនបានផ្លាស់ប្ដូរទ្រនំរបស់ខ្លួន ពីមួយទៅមួយ ដើម្បីស្វែងរកភាពល្បីល្បាញកាន់តែខ្លាំងក៏ដោយ។ តារាចម្រៀងមានប្រវត្តិកម្សត់ជិះម៉ូតូច្រៀងតាមកម្មវិធី Concert បន្តថា មូលហេតុធំ ដោយសារទីនេះ លោកមានអនុស្សាវរីយ៍ច្រើនរាប់មិនអស់ជាមួយក្រុមការងារ អស់ពេលជាង១០ឆ្នាំមកហើយ។ ក្នុងចិត្តរបស់លោក មិនធ្លាប់ចង់ដើរចេញពីទីកន្លែងនេះឡើយ ព្រោះ ជាទ្រនំជួយកសាងកេរ្តិ៍ឈ្មោះឲ្យមហាជនបានស្គាល់លោកក្នុងពិភពសិល្បៈ។
"ធម្មតានៅផលិតកម្មធំមួយ មានតារាចម្រៀងជាច្រើន ពួកគេខំប្រឹងបញ្ចេញសមត្ថភាព។ ដូច្នេះពេលវេលានិងឱកាស គួរទុកសម្រាប់ប្អូនៗបញ្ចេញសមត្ថភាពដល់ទស្សនិកជនទស្សនាកម្សាន្ត ។ ដូច្នេះ សម្រាប់ខ្ញុំទោះមិនសូវមានបទចម្រៀង ក៏គ្មានបញ្ហាអ្វីនោះទេ" ។ នេះបើតាមការបង្ហាញអារម្មណ៍ពិតរបស់លោក រិន សាវ៉េត ចំពោះផលិតកម្មរបស់ខ្លួន។ ម្យ៉ាងទៀតថ្មីៗនេះខាងហង្សមាស ទើបបញ្ចេញបទចម្រៀងថ្មីៗឲ្យលោកចំនួន២បទ ដែលជាសញ្ញាល្អមួយ កាន់តែធ្វើឲ្យលោកមិនដាច់ចិត្តចាកចោលទីនេះនោះទេ៕
