- 2018-08-06 02:19:07
- ព័ត៌មាន
Demi សរសេរសារជូនអ្នកគាំទ្រលើកដំបូង ក្រោយគ្រោះថ្នាក់ដោយលេបថ្នាំលើសកម្រិត
- 2018-08-06 02:19:07
- ចំនួនមតិ 0 | ចំនួនចែករំលែក 0
Demi សរសេរសារជូនអ្នកគាំទ្រលើកដំបូង ក្រោយគ្រោះថ្នាក់ដោយលេបថ្នាំលើសកម្រិត
ចន្លោះមិនឃើញ
តារាចម្រៀង Demi Lovato បានចេញមុខបកស្រាយជាលើកដំបូង ក្រោយសម្រាកព្យាបាលក្នុងមន្ទីរពេទ្យមួយរយៈធំព្រោះប្រតិកម្មថ្នាំលើសកម្រិត។ តារាចម្រៀងរូបនេះ បានសរសេរសារយ៉ាងវែងអន្លាយមួយលើគណនី Instagram ផ្ញើជូនទៅអ្នកគាំទ្ររបស់នាង។ ក្នុងសារមួយនោះដែរ នាងបានសរសេរថា៖
“ខ្ញុំតែងតែបើកចំហប្រាប់គ្រប់គ្នាអំពីផលពិបាករបស់ខ្ញុំជាមួយការប្រើប្រាស់ថ្នាំរំងាប់អារម្មណ៍ ហើយអ្វីដែលខ្ញុំទទួលបាន និង រៀនសូត្រមកនោះគឺ ជំងឺ មិនមែនជាអ្វីដែលអាចបាត់ ឬរលាយតាមពេលវេលានោះទេ។ វាជាអ្វីដែលយើងត្រូវបន្តឆ្លងកាត់ ហើយខ្ញុំមិនទាន់បានឆ្លងកាត់ផុតនៅឡើយទេ។
ខ្ញុំចង់អរគុណព្រះដែលរក្សាជីវិតខ្ញុំឲ្យមានសុវត្ថិភាព និងមានផាសុខភាព។ ចំពោះអ្នកគាំទ្រទាំងអស់ ខ្ញុំតែងតែចងចាំការស្រឡាញ់ និងការគាំទ្ររបស់អ្នកទាំងអស់គ្នារយៈពេលប៉ុន្មានសប្ដាហ៍មកនេះ និងនៅថ្ងៃខាងមុខទៀត។ ជាមួយគំនិតសុទិដ្ឋិនិយម និងការបន់ស្រន់របស់អ្នកទាំងអស់គ្នា បានជួយខ្ញុំឲ្យរួចផុតពីពេលវេលាលំបាកទាំងនេះ។ ខ្ញុំសូមអរគុណដល់ក្រុមគ្រួសារ មិត្តភក្ដិ បុគ្គលិកនៅមន្ទីរពេទ្យ Cedars-Sinai Medical Center ដែលតែងតែនៅជាមួយខ្ញុំរយៈពេលកន្លងមកនេះ។ បើគ្មានពួកគេទេ ខ្ញុំប្រហែលជាមិនអាចសរសេរសារនេះបានទេ....”។
បើតាមប្រភពជិតស្និទ្ធមួយបានប្រាប់ទៅកាន់សារព័ត៌មាន CNN បានឲ្យដឹងថា តារាចម្រៀង Demi Lovato នឹងទៅមណ្ឌលកែប្រែ ក្រោយចាកចេញពីមន្ទីរពេទ្យ៕
