- 2018-08-07 04:00:00
- ព័ត៌មាន
Demi ទៅមណ្ឌលកែប្រែភ្លាមៗ ក្រោយចាកចេញពីមន្ទីរពេទ្យ
- 2018-08-07 04:00:00
- ចំនួនមតិ 0 | ចំនួនចែករំលែក 0
Demi ទៅមណ្ឌលកែប្រែភ្លាមៗ ក្រោយចាកចេញពីមន្ទីរពេទ្យ
ចន្លោះមិនឃើញ
តារាចម្រៀង Demi Lovato ត្រូវបានអនុញ្ញាតឲ្យចាកចេញពីមន្ទីរពេទ្យ ហើយក៏បានត្រៀមខ្លួនភ្លាមដើម្បីទៅកាន់មណ្ឌលកែប្រែផងដែរ។
អស់រយៈពេលជិត ២សប្ដាហ៍ហើយ ក្រោយ Demi រងគ្រោះស្ទើរស្លាប់ស្ទើររស់ដោយសារការប្រើប្រាស់ថ្នាំលើសកម្រិត។ បើតាមសារព័ត៌មាន TMZ បានឲ្យដឹងថា តារាចម្រៀងវ័យ ២៥ឆ្នាំរូបនេះ បានចាកចេញពីមន្ទីរពេទ្យ Cedars-Sinai Medical Center ហើយកាលពីថ្ងៃសៅរ៍មុននេះ។ ភ្លាមៗដែរ នាងបានជិះយន្តហោះឯកជនមួយ ចាកចេញទៅកាន់មណ្ឌលកែប្រែ ដែលនៅក្រៅរដ្ឋ California។
ចំពោះរយៈពេលដែលនាងត្រូវចំណាយក្នុងមណ្ឌលកែប្រែនោះ នៅមិនទាន់បានដឹងនៅឡើយទេ ប៉ុន្តែបើតាមការរំពឹងទុក គឺម្ចាស់បទ "Sober” រូបនេះអាចនឹងបន្តកែប្រែផ្ដាច់គ្រឿងញៀននៅទីនោះ យ៉ាងតិចណាស់ក៏រយៈពេល ៣០ថ្ងៃដែរ៕
