កុល ដាវី ប្រាប់គន្លឹះឈរឈ្មោះជាអ្នកតំណាងផលិតផលជិត១០ឆ្នាំ យ៉ាងជោគជ័យ

2018-08-18 08:29:45
ព័ត៌មាន

2018-08-18 08:29:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា កុល ដាវី កំពុងមានទីផ្សារខ្លាំងក្នុងអាជីពសិល្បៈ ទាំងការសម្ដែងភាពយន្ត ការសម្ដែង MV ពិធីការីនី និងថតស្ប៉តពាណិជ្ជកម្មជាដើម។ លើសពីនេះ តារាស្រីនិយមភាពសិចស៊ី បានក្លាយជាអ្នកឈរឈ្មោះតំណាងឲ្យផលិតផលជាបន្តបន្ទាប់ រហូតមានក្រុមហ៊ុនសំណង់ ពេញចិត្តទេពកោសល្យកញ្ញា ឲ្យគ្រងតំណែងនេះ មិនផ្លាស់ប្ដូរអស់ពេលជាង១០ឆ្នាំមកហើយ។

កត្តាដែលធ្វើឲ្យខ្លួន អាចឈរបានយ៉ាងរឹងមាំក្នុងនាមជាអ្នកតំណាងឲ្យផលិតផលគ្រឿងសំណង់ជាង១០ឆ្នាំមកនេះ តួអង្គ ក្នុងរឿង "ផ្កាថ្ម" ប្រាប់ថាដោយសារទម្រង់មុខភាពសិចស៊ី ថតទៅមិនឆ្គង គួរឲ្យទាក់ទាញ។

គូស្នេហ៍តារាចម្រៀង សុខ រក្សា បន្តថា នៅពេលកាច់ស្ទីលថតយកគំរូម៉ូដគ្រឿងសំណង់ ខាងក្រុមហ៊ុនតែងពេញចិត្ត ព្រោះឃើញស្ទីលថតរបស់តារាសម្ដែងរូបនេះចេញមកបែបធម្មជាតិ ទាក់ទាញខ្លាំង ហើយជាអ្វីដែលក្រុមហ៊ុនចង់បានផងដែរ។ កញ្ញា ដាវី និយាយថា មានការភ្ញាក់ផ្អើល និងមិននឹកស្មាន ដែលម្ចាស់ក្រុមហ៊ុនផលិតផលម៉ាក MC សម្រេចមិនប្ដូរអ្នកតំណាង ឲ្យកញ្ញាឈរឈ្មោះឲ្យក្រុមហ៊ុននេះ បានយូរឆ្នាំបែបនេះ។

មិនលាក់លៀមក្នុងការចែករំលែក គន្លឹះក្នុងនាមជាអ្នកតំណាងផលិតផលបានយូរឆ្នាំ កញ្ញា កុល ដាវី ប្រាប់ថា ការកាច់ស្ទីលថតធ្វើយ៉ាងណាឲ្យមើលទៅធម្មជាតិ ហើយការរៀបចំខ្លួនឲ្យបានសមរម្យ មានភាពថ្លៃថ្នូរ ព្រមទាំងការទាក់ទាញ នោះនឹងជោគជ័យជាមិនខាន៕

អត្ថបទ៖ លឹម សុនា