- 2018-08-31 08:22:05
- ព័ត៌មាន
តាចេក ជំងឺធ្វើទុក្ខខ្លាំង កំពុងសង្គ្រោះបន្ទាន់នៅមន្ទីរពេទ្យកាល់ម៉ែត្រ
- 2018-08-31 08:22:05
- ចំនួនមតិ 0 | ចំនួនចែករំលែក 0
តាចេក ជំងឺធ្វើទុក្ខខ្លាំង កំពុងសង្គ្រោះបន្ទាន់នៅមន្ទីរពេទ្យកាល់ម៉ែត្រ
ចន្លោះមិនឃើញ
តារាកំប្លែង តាចេក ពេលនេះកំពុងតែស្ថិតក្នុងបន្ទប់សង្គ្រោះបន្ទាន់នៅមន្ទីរពេទ្យកាលម៉ែត្រ បន្ទាប់ពីអាការជំងឺរបស់លោកធ្វើទុក្ខខ្លាំង រហូតដល់ទ្រាំលែងបាន ហើយត្រូវបានក្រុមគ្រួសារ ដឹកតាមរ៉ឺម៉កកង់បី មកសង្គ្រោះបន្ទាន់មន្ទីរពេទ្យកាលម៉ែត្រ។
តាមការឲ្យដឹងពីភរិយារបស់តារាកំប្លែងខាងលើ យប់មិញនេះ តាចេក មានអាការៈអស់កម្លាំង ចេះតែវិលមុខ ហើយក្អួតចង្អោរញឹកញាប់ ស្ទើរងើបពីកន្ទេលមិនរួច ដោយឃើញបែបនេះ នៅម៉ោងប្រហែល១០ព្រឹកមិញនេះក្រុមគ្រួសារដឹកតាមរម៉កកង់បី មកសង្គ្រោះបន្ទាន់មន្ទីរពេទ្យកាលម៉ែត្រតែម្ដង ហើយគិតមកដល់ម៉ោងនេះ លោកស្ថិតក្នុងបន្ទប់សង្គ្រោះបន្ទាប់នៅឡើយ ប៉ុន្តែមិនសន្លប់នោះទេ។
នៅមិនទាន់ដឹងថា តារាកំប្លែងជើងចាស់រូបនេះ មានជំងឺអ្វីពិតប្រាកដនៅឡើយ ។ ភរិយារបស់លោក បានបន្តឲ្យដឹងថា ប្រហែលកន្លះខែមុនតាចេក ក៏ធ្លាប់មានអាការស្រដៀងគ្នានេះដែរ ដោយកាលណោះ ក្រុមគ្រួសារ បាននាំទៅព្យាបាលនៅគ្លីនិកឯកជនមួយ ក្នុងក្រុងតាខ្មៅ ហើយក្រោយមកក៏បានធូរស្រាល មកសម្រាកនៅផ្ទះវិញ។
តាំងពីទីផ្សាររបស់តារាកំប្លែងធ្លាក់ចុះ តាចេក ត្រូវបានគេដឹងថា លោកមានជីវភាពដុនដាបខ្លាំង ដោយលោកពឹងផ្អែកលើការលក់ទឹកអំពៅ និងភេសជ្ជៈ នៅតាមចិញ្ចើមផ្លូវលើកំណាត់ផ្លូវជាតិលេខ៣ ហូលរង្វង់មូលគូរស្រូវ ទៅសៀមរាបកន្ទួត។
