/5b8ce3b1e2292_1535959980_medium.jpg)
- 2018-09-03 07:45:03
- ព័ត៌មាន
ពិតទេ ឈិន ឡុង ជួយ Fan Bingbing ឲ្យមានសិទ្ធិជ្រកកោន នៅអាមេរិក?
- 2018-09-03 07:45:03
- ចំនួនមតិ 0 | ចំនួនចែករំលែក 0
ពិតទេ ឈិន ឡុង ជួយ Fan Bingbing ឲ្យមានសិទ្ធិជ្រកកោន នៅអាមេរិក?
ចន្លោះមិនឃើញ
បច្ចុប្បន្ន បញ្ហារឿងរ៉ាវគេចពន្ធរបស់តារាសម្ដែង Fan Bingbing កំពុងក្លាយជាប្រធានបទក្ដៅគគុកក្នុងបណ្ដាញសារព័ត៌មានប្រទេសចិន។ អស់រយៈពេលជិត ៣ ខែមកហើយ ដែលរឿងអាស្រូវមួយនេះបានកើតឡើង ហើយតារាសម្ដែងចិនដ៏ល្បីរូបនេះ នៅតែមិនព្រមចេញមុខបកស្រាយជុំវិញបញ្ហាមួយនេះដដែល។
កាលពីពេលថ្មីៗនេះ មានសេចក្ដីរាយការណ៍មួយបានឲ្យដឹងថា តារាសម្ដែង Fan Bingbing បានទៅកាន់ទីក្រុង Los Angeles ដើម្បីធ្វើលិខិតសុំសិទ្ធិជ្រកកោននៅទីនោះ ហើយអ្នកដែលជួយជ្រោមជ្រែងនាងតាមក្រោយគឺតារាសម្ដែង Jackie Chan (ឈិន ឡុង)។
បើតាមប្រភពមួយបានបញ្ជាក់ថា តារាសម្ដែង Fan Bingbing បានចំណាយប្រាក់់ចំនួន ៤៣០ លានដុល្លារទៅលើពន្ធតំបន់ ហើយតារាសម្ដែង ឈិន ឡុងជាអ្នកធ្វើលិខិតសុំជាសម្ងាត់ ដើម្បីឲ្យនាងមានសិទ្ធិជ្រកកោននៅទីនោះ។ ទោះជាមានការអះអាងយ៉ាងនេះក៏ដោយ ខណៈខាងសារព័ត៌មាន ETToday សាកសួរពីព័ត៌មាននេះ តារាសម្ដែង ឈិន ឡុងបានឆ្លើយបដិសេធថា គ្រាន់តែជាពាក្យចចាមអារ៉ាមតែប៉ុណ្ណោះ។
គួររម្លឹកដែរថា ក្រោយរឿងអាស្រូវគេចពន្ធរបស់នាងត្រូវបានខ្ទរខ្ទារពាសពេញបណ្ដាញសារព័ត៌មានមកនោះ តារាសម្ដែង Fan Bingbing ត្រូវរងការខាតបង់ការងារជាច្រើន ក្នុងនោះ រឿងចំនួន ៣ របស់នាងដែលកំពុងថត ក៏ត្រូវបានរកតួជំនួស តែទោះជាយ៉ាងណា តារាសម្ដែងរូបនេះ នៅតែមិនព្រមចេញមុខមកបកស្រាយសោះឡើយ៕
