- 2018-09-10 02:55:22
- ព័ត៌មាន
ប្លែកភ្នែកហើយ ពេលនេះ តារាចម្រៀង គូម៉ា ហក់ចូលប្រឡូកក្នុងវិស័យភាពយន្តហើយ!
- 2018-09-10 02:55:22
- ចំនួនមតិ 0 | ចំនួនចែករំលែក 0
ប្លែកភ្នែកហើយ ពេលនេះ តារាចម្រៀង គូម៉ា ហក់ចូលប្រឡូកក្នុងវិស័យភាពយន្តហើយ!
ចន្លោះមិនឃើញ
បន្ទាប់ពី ណាំ ប៊ុណ្ណារ័ត្ន និងកែវ វាសនា ដែលបានបំបែកប្រវត្តិសាស្ត្ររៀងខ្លួននាមជាតារាចម្រៀង ហក់មកប្រឡូកខ្សែភាពយន្តនោះ ពេលនេះមានដំណឹងថា តារាចម្រៀង គូម៉ា របស់ផលិតកម្មថោន ក៏បានហក់ចូលមកប្រឡូកក្នុងវិស័យសម្ដែងនេះដែរ។
ព័ត៌មាននេះ ធ្លាយចេញពីផលិតកម្ម LD ដែលថា គូម៉ា គឺជាតួឯកក្នុងខ្សែភាពយន្តរបស់ខ្លួន មានចំណងជើងថា "អង្រឹង"។ លោក លៀក លីណា ដែលជាចាត់ការទូទៅផលិតកម្ម ក៏បានបញ្ជាក់ពីការពិតនៃព័ត៌មាននេះ។ អ្នកដឹកនាំវ័យ បានសរសេរលើបណ្ដាញសង្គមរបស់លោកថា ខ្សែភាពយន្តមានចំណងជើងថា "អង្រឹង" របស់លោក រើសបានតួឯកប្រុសហើយ ហើយនោះ គឺ គូម៉ា។
ងាកមកសាមីខ្លួន ក៏បានប្រាប់ដែរថា លោកត្រូវបានជ្រើសរើសធ្វើតួសម្ដែងក្នុងខ្សែភាពយន្តខាងលើពិតមែន ដែលជាការសម្ដែងភាពយន្តដំបូងបំផុតក្នុងឆាកជីវិតសិល្បៈរបស់លោក។ គូម៉ា នឹងត្រូវសម្ដែងជាតួអង្គឯកមានឈ្មោះថា "បញ្ញា" ដោយឡែកតួស្រី ជានរណា លោកមិនទាន់បានដឹងនៅឡើយ ហើយសាច់រឿងលម្អិតយ៉ាងណា ក៏មិនច្បាស់ដូចគ្នា។
ម្ចាស់បទ "សង្សារពាល" បញ្ជាក់ថា លោកមានការបារម្ភខ្លះដែរ ដោយសារតែជាបទពិសោធន៍លើកទី១។ "វាជាលើកទី១ហើយបង ដូច្នេះហើយ ត្បិតថាមិនបារម្ភខ្លាំង ប៉ុន្តែក៏បារម្ភខ្លះដែរ កន្លងមកធ្លាប់តែសម្ដែង MV...!”។
បើមិនមានអ្វីប្រែប្រួលភាពយន្តទី១ របស់គូម៉ា នឹងចេញដំណើរការថត នៅរង្វង់ពាក់កណ្ដាលខែនេះ ហើយលោកនឹងខំប្រឹងប្រែងឲ្យអស់ពីសមត្ថភាព។ "ខ្ញុំនឹងប្រឹងឲ្យអស់ពីលទ្ធភាព និងសង្ឃឹមថា ពុកម៉ែបងប្អូន ក៏ដូចជាទស្សនិកជន នឹងជួយគាំទ្ររូបខ្ញុំ ក៏ដូចជាគាំទ្រខ្សែភាពយន្តរបស់ខ្មែរយើង!”។ គូម៉ា បន្ថែម៕
