- 2018-10-01 23:20:00
- ព័ត៌មាន
DJ Push និង Jooy បានអំណោយពិសេសកាត់ថ្លៃមិនបានមួយគូ អំឡុងពេលដើរហៅការ
- 2018-10-01 23:20:00
- ចំនួនមតិ 0 | ចំនួនចែករំលែក 0
DJ Push និង Jooy បានអំណោយពិសេសកាត់ថ្លៃមិនបានមួយគូ អំឡុងពេលដើរហៅការ
ចន្លោះមិនឃើញ
មិនយូរប៉ុន្មាន ថ្ងៃមង្គលការរបស់តារាសម្ដែង DJ Push និង Jooy Warrataya នឹងមកដល់ ហើយគូស្នេហ៍ទាំង ២ក៏ត្រៀមខ្លួនរួចជាស្រេចក្លាយជាកូនក្រមុំ កូនកំលោះក្នុងថ្ងៃពិសេសទី ១៦ ខែវិច្ឆិកា ខាងមុខដែរ។
មុនដល់ថ្ងៃសំខាន់ អ្នកទាំង ២ក៏បានដើរអញ្ជើញភ្ញៀវជាបណ្ដើរៗដែរ ដោយក្នុងនោះកាលពីថ្ងៃទី ៣០ ខែកញ្ញា DJ Push និង Jooy បានទៅផ្ទះរបស់នាយកទូរទស្សន៍ថៃ Workpoint លោក Panya Nirankul ដើម្បីជូនសំបុត្រការ។ មូលហេតុដែលលោក Panya ត្រូវបានអញ្ជើញជាភ្ញៀវកិត្តិយស ក៏ដោយសារ Jooy ក៏ជាពិធីការិនីម្នាក់ប្រចាំទូរទស្សន៍របស់លោកដែរ។
ពេលទទួលបានធៀបការភ្លាម នាយកទូរទស្សន៍ថៃរូបនេះក៏បានជូនពរអ្នកទាំង ២សូមឲ្យក្លាយជាគ្រួសាររីករាយ និងរស់នៅមានសុភមង្គលជាមួយគ្នា ព្រមទាំងបានជូនកម្រងផ្កាដល់ពួកគេដែរ។ អត្ថន័យពីក្រោយកម្រងផ្កានេះ គឺ "ជំរុញក្ដីស្រឡាញ់ឲ្យមានឲ្យគ្នាកាន់តែច្រើនជារៀងរហូត”។
គួរបញ្ជាក់ផងដែរថា ទំនាក់ទំនងស្នេហារបស់ DJ Push និង Jooy មានរយៈពេល ៤ឆ្នាំហើយ។ ពួកគេបានចាប់ផ្ដើមកាន់ដៃក្លាយជាគូស្នេហ៍ ក្រោយពីបានរួមសម្ដែងជាមួយគ្នាក្នុងរឿង "Fun Fueng” កាលពីដើមឆ្នាំ ២០១៤៕
