- 2018-10-04 01:37:08
- ចម្រៀង
បទ "ភ្ជុំបិណ្ឌនឹកស្រុក" របស់ ម៉ៅ ហាជី ត្រូវក្រសួងការងារ ស្នើឲ្យឈប់ផ្សព្វផ្សាយ
- 2018-10-04 01:37:08
- ចំនួនមតិ 0 | ចំនួនចែករំលែក 0
បទ "ភ្ជុំបិណ្ឌនឹកស្រុក" របស់ ម៉ៅ ហាជី ត្រូវក្រសួងការងារ ស្នើឲ្យឈប់ផ្សព្វផ្សាយ
ចន្លោះមិនឃើញ
បទចម្រៀង "ភ្ជុំបិណ្ឌនឹកស្រុក" ច្រៀងដោយលោក ម៉ៅ ហាជី ស្ថិតក្នុងផលិតថោន ត្រូវបានក្រសួងការងារ និងបណ្ដុះបណ្ដាលវិជ្ជាជីវៈ ស្នើទៅក្រសួងព័ត៌មាន និងក្រសួងវប្បធម៌និងវិចិត្រសិល្បៈ ចាត់វិធានការផ្អាកការប្រើប្រាស់ និងផ្សព្វផ្សាយ។
យោងតាមសេចក្តីស្នើ ចុះថ្ងៃទី៣ ខែតុលា ឆ្នាំ២០១៨ នោះ ក្រសួងការងារ និងបណ្ដុះបណ្ដាលវិជ្ជាជីវៈ បញ្ជាក់ថា អត្ថន័យ និងឃ្លាមួយចំនួនធ្វើឲ្យប៉ះពាល់ដល់គោលនយោបាយរបស់រាជរដ្ឋាភិបាល ដែលកំពុងយកចិត្តទុកដាក់ និងផ្ដល់កិច្ចគាំពារដល់កម្មករ និយោជិត។"កម្មករនិយោជិត មិនទាន់បើកប្រាក់ខែ ក្នុងរដូវបុណ្យភ្ជុំបិណ្ឌដែលធ្វើឲ្យកម្មករ និយោជិត មិនបានទៅស្រុកកំណើតទៅលេងម៉ែពុក បានត្រឹមតែស្រក់ទឹកភ្នែក ហើយបានទូរសព្ទប្រាប់ម៉ែពុក បន្ទាប់ពីភ្ជុំបិណ្ឌរួចហើយ បានអាចទៅលេងស្រុកកំណើត"។
