- 2018-10-04 04:15:20
- ព័ត៌មាន
មិននឹកស្មាន ស៊ូ ស៊ីរីកា បាត់ទីផ្សារតាមខេត្ត ដោយសារអ្នកសិល្បៈដូចគ្នាដើរសម្អុយឈ្មោះ
- 2018-10-04 04:15:20
- ចំនួនមតិ 0 | ចំនួនចែករំលែក 0
មិននឹកស្មាន ស៊ូ ស៊ីរីកា បាត់ទីផ្សារតាមខេត្ត ដោយសារអ្នកសិល្បៈដូចគ្នាដើរសម្អុយឈ្មោះ
ចន្លោះមិនឃើញ
កាលពីយប់មិញនេះផលិតកម្ម Clip Media និងគ្រួសារតារាកម្ពុជា បានរៀបចំព្រឹត្តិការណ៍បង្ហាញផ្ទាំងទស្សនីយភាពក្នុងកម្មវិធី"ភ្ជុំមហាគ្រួសារសិល្បៈខ្មែរ" ឆ្នាំទី២ ក្រោមវត្តមានអ្នកសិល្បៈប្រុសស្រីជាច្រើនរូប។ ក្នុងនោះ ស៊ូ ស៊ីរីកា តារាចម្រៀងផលិតកម្មថោនត្រៀមខ្លួនបកស្រាយដើម្បីអបអរកម្មវិធីខាងលើបានលើកឡើងថា តាំងពីដើមឆ្នាំ ២០១៨ មកដល់ពេលនេះរូបនាង មិនទទួលបានការអញ្ជើញឲ្យច្រៀងខនសឺត នៅតាមខេត្តដូចពេលមុនទេ ដោយសារតែមានអ្នកសម្អុយគេឈ្មោះខ្លួន។
ស៊ូ ស៊ីរីកា ថា ខ្លួនពិតជាហួសចិត្តខ្លាំងណាស់នៅពេលអ្នកសិល្បៈដូចគ្នា ដើរនិយាយបង្ខូចកេរ្តិ៍ឈ្មោះថា នាង មិនទទួលការច្រៀងខនសឺតនៅតាមខេត្ត ក្រៅពីច្រៀងដាក់ក្នុង CD និងនៅពេលចេញMV នោះទេ។ មិនបាច់ទាក់ទងទៅនាង នាំឲ្យខាតពេលវេលាឥតប្រយោជន៍ឡើយគួរតែទាក់ទងតារាចម្រៀងផ្សេងទៅល្អជាង។
“ខ្ញុំអត់ដឹងថាគេដើរនិយាយបង្កាច់ខូចខ្ញុំអ៊ីចឹងទេបងអើយ ខ្ញុំចេះតែឆ្ងល់ហេតុអ្វីខ្ញុំអត់មានគេហៅឲ្យច្រៀងខនសឺនៅតាមខេត្តអ៊ីចឹង។ ដល់ពេលដឹងពេលហ្នឹងខ្ញុំចង់តែឈប់ភ្លាមៗទេ ព្រោះមិននឹកស្មានក្នុងសិល្បៈអ្នកអ្នកចាំតែប៉ែងជើងយើងបែបនេះសោះ"។ ស៊ូ ស៊ីរីកា បញ្ជាក់។
ជាចុងក្រោយ ស៊ូ ស៊ីរីកា ក៏សម្ដែងក្ដីរីករាយដល់"គ្រួសារតារាកម្ពុជា" និង ផលិតកម្មClip Media ដែលបានអញ្ជើញរូបនាង មកច្រៀងក្នុងកម្មវិធី "ភ្ជុំមហាគ្រួសារសិល្បៈខ្មែរ" ជាលើកដំបូង។ ដូច្នេះហើយនាង សង្ឃឹមថានឹងមានឱកាសចូលរួមនៅពេលក្រោយទៀត៕
ខាងក្រោមនេះសកម្មភាពអ្នកសិល្បៈចូលរួមក្នុងពិធី "ភ្ជុំមហាគ្រួសារសិល្បៈខ្មែរ"
