ច្បាស់ការហើយ ឆុំ វត្ដី ប្រកាសថ្ងៃចូលរោងការជាមួយអ្នកដឹកនាំសម្ដែង

2018-10-24 04:13:24
ព័ត៌មាន

2018-10-24 04:13:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីព្យាយាមលាក់បាំងទំនាក់ទំនងស្នេហាអស់រយៈពេលជាច្រើនខែមកនេះឥឡូវ ឆុំ វត្ដី និងគូស្នេហ៍បានកំណត់ថ្ងៃចូលរោងការហើយនៅឆ្នាំ២០១៩ ខាងមុខនេះដោយត្រៀមនឹងអញ្ជើញអ្នកសិល្បៈប្រុសស្រីជាច្រើននាក់ចូលរួមផងដែរ។

រិទ្ធហួរ រក្សា ជាអ្នកដឹកនាំសម្ដែង និងជាគូស្នេហ៍ ឲ្យដឹងថា មុនឲ្យចាស់ទុំទាំងសង្ខាងដឹងឮ និងរកវេលាល្អរៀបការជាមួយគ្នានោះលោក និង ឆុំ វត្ដី បានស្រឡាញ់មើលចិត្តថ្លើមគ្នារយៈពេល២ ឆ្នាំ។ រយៈពេលនៃការសិក្សាពីគ្នាទៅវិញទៅមកនេះលោក ឃើញថា តួឯកស្រីក្នុងរឿង"ស្ដេចកន" មានចំណុចល្អជាច្រើនដែលខ្លួនអាចរួមដំណើរជីវិតជាមួយគ្នាពេញមួយជីវិត។

ចំណុចពិសេសដែលធ្វើឲ្យអ្នកដឹកនាំសម្ដែងរូបនេះសម្រេចចិត្តបញ្ចប់ភាពនៅលីវត្រឹម ឆុំ វត្ដី ដោយសារតែ នាង គឺជាមនុស្សម្នាក់មានចរិតរួសរាយរាក់ទាក់មិនចេះប្រកាន់ច្រើន ធ្វើការងាររហ័សរហួន និងម៉ត់ចត់ពេលបំពេញការងារ។

លោក រិទ្ធហួរ រក្សា គូស្នេហ៍ ឆុំ វត្ដី

រិទ្ធហួរ រក្សា ថា៖"មានចំណុចល្អជាច្រើនទៀតចំពោះគាត់ ដែលខ្ញុំមិនអាចរៀបរាប់អស់ អ្វីដែលពិសេសជាងនេះពេលនៅជាមួយគាត់ តែងតែធ្វើឲ្យខ្ញុំសប្បាយរីករាយជានិច្ច។ ឯរឿងរៀបការខ្ញុំអត់ទាន់ដឹងថាថ្ងៃណាពិតប្រាកដទេបង ដឹងតែថានៅឆ្នាំ២០១៩ខាងមុខនេះ ដែលជាឆ្នាំល្អសម្រាប់ពួកខ្ញុំទាំងពីរ"៕