- 2018-10-30 06:43:56
- ព័ត៌មាន
សម្ពោធសាខាថ្មីម្តងទាំង រុន ស៊ីរ៉ា គ្រូហើយនិងសិស្សសាលានេះព្រួតគ្នាប្រគំតន្រ្តី ស្តាប់ហើយស្បើយអារម្មណ៍
- 2018-10-30 06:43:56
- ចំនួនមតិ 0 | ចំនួនចែករំលែក 0
សម្ពោធសាខាថ្មីម្តងទាំង រុន ស៊ីរ៉ា គ្រូហើយនិងសិស្សសាលានេះព្រួតគ្នាប្រគំតន្រ្តី ស្តាប់ហើយស្បើយអារម្មណ៍
ចន្លោះមិនឃើញ
ក្រោយដំណើរនៅខ្មែរតាំងពីឆ្នាំ ២០១៤ មកដល់ពេលនេះក្រុមហ៊ុន SoundsKool បានសម្ពោធសាខាសាលារៀនដូរ្យតន្ត្រី និងហាងលក់ឧបករណ៍តន្ត្រីថ្មីរបស់ខ្លួននៅចំកណ្តាលផ្សារទួលទំពូងកាលពីថ្ងៃ ២៧ តុលា។
ពិសេសជាងនេះក៏មានការសម្តែងពីតារាចម្រៀង Original Song កញ្ញា រ៉ុន ស៊ីរ៉ា និងការសម្តែងយ៉ាងប៉ិនប្រសប់ និងពេញដោយទេពកោសល្យ របស់លោកគ្រូអ្នកគ្រូ និងក្រុមសិស្សរបស់ SoundsKool ព្រមទាំងមានការលេងកម្សាន្ត និងការចាប់រង្វាន់ផងដែរ។
វត្តមានសាខាថ្មីនេះស្ថិតនៅផ្លូវ ១៣៥ កែងផ្លូវ ៤៥៦ សង្កាត់ទួលទំពូង ខណ្ឌចំការមន រាជធានីភ្នំពេញ។ ការបើកសម្ពោធ មានការចូលរួមយ៉ាងច្រើនកុះករពីភ្ញៀវកិត្តិយស ជាពិសេសអាណាព្យាបាល និងប្អូនៗកុមារដែលចូលចិត្ត និងស្រលាញ់ផ្នែកដូរ្យតន្ត្រី។ ក្នុងឱកាសនោះក៏មានការទទួលស្វាគមន៍យ៉ាងកក់ក្តៅដល់ភ្ញៀវកិត្តិយស ដែលចូលរួមដោយមានការផ្តល់ជូននូវអាហារ និងភេសជ្ជៈដោយឥតគិតថ្លៃ និងការធ្វើបទបង្ហាញ ព្រមទាំងអនុញ្ញាតឲ្យភ្ញៀវកិត្តិយសទាំងអស់ដើរទស្សនាហាងលក់ឧបករណ៍តន្ត្រីផងដែរ។
ក្នុងថ្ងៃបើកសម្ពោធនេះផងដែរ នាយកគ្រប់គ្រងក្រុមហ៊ុន SoundsKool លោក ហ្កាប៊ី ហ្វាចា (Gabi Faja) បានឱ្យដឹងថា៖ "យើងពិតជារំភើបណាស់ដែលបាននាំយក SoundsKool ទៅទួលទំពូង។ បេសកកម្មរបស់យើងគឺ ដើម្បីបម្រើអារម្មណ៍ និងធ្វើឲ្យមានការរួបរួមគ្នាតាមរយៈតន្ត្រី"។
ជាមួយគ្នានេះផងដែរ កញ្ញា អេវី អេវែនស៍ (Evie Evans) អ្នកសម្របសម្រួលកម្មវិធីSoundsKool ក៏បានឱ្យដឹងផងដែរថា៖ "ការអប់រំមុខវិជ្ជាដូរ្យតន្ត្រីកំពុងតែកើនឡើង និងចាប់អារម្មណ៍ខ្លាំងនៅក្នុងប្រទេសកម្ពុជា ហើយតាមរយៈ SoundsKool ខ្ញុំនឹងអាចរួមចំណែកជួយដល់សិល្បករជំនាន់ក្រោយ។ ខ្ញុំពិតជាទន្ទឹងរង់ចាំដើម្បីណែនាំកម្មវិធីថ្មីរបស់យើងទៅឱ្យអាណាព្យាបាល និងកូនៗរបស់ពួកគាត់នៅថ្ងៃខាងមុខ"។
ឆ្នាំ២០១៨ នេះ SoundsKool បាននឹងកំពុងពង្រីកខ្លួនជាច្រើនទីតាំងនៅរាជធានីភ្នំពេញ និងខេត្តសៀមរាប ព្រមទាំងបាននាំមុខគេក្នុងការលក់រាយឧបករណ៍តន្ត្រីម៉ាកល្បីៗដូចជា ហ្វេនឌ័រ (Fender) រ៉ូលេនដ៍ (Roland) អេរៀ (Aria) ខនន៍-សេលម័រ (Conn-Selmer)ជាដើម ហើយ SoundsKool ក៏ជាសាលាអប់រំផ្នែកតន្ត្រីដែលឈានមុខគេនៅកម្ពុជា ដែលទទួលបានវិញ្ញាបនប័ត្រថ្នាក់អន្តរជាតិផងដែរ។
ព័ត៌មានបន្ថែមទាក់ទងនឹងកម្មវិធីសម្ពោធនេះ សូមទាក់ទង៖
