- 2018-11-03 04:33:32
- ព័ត៌មាន
ម្ដងនេះ ចំរើន សុភ័ក្រ្ដ លះបង់កម្លាំងកាយចិត្ត ដើម្បីមន្ទីរពេទ្យគន្ធបុប្ផា
- 2018-11-03 04:33:32
- ចំនួនមតិ 0 | ចំនួនចែករំលែក 0
ម្ដងនេះ ចំរើន សុភ័ក្រ្ដ លះបង់កម្លាំងកាយចិត្ត ដើម្បីមន្ទីរពេទ្យគន្ធបុប្ផា
ចន្លោះមិនឃើញ
នៅព្រឹកមិញនេះក្រុមហ៊ុន តូយ៉ូតា បានធ្វើសន្និសីទសារព័ត៌មានស្ដីអំពីការប្រគំតន្ត្រីសប្បុរសធម៌តូយ៉ូតា ក្លាស៊ិកលើកទី២៩ នៅសាលសន្និសីទចតុមុខ។ ក្នុងនោះតារាចម្រៀង ចំរើន សុភ័ក្រ្ដ បានស្ម័គ្រចិត្តជួយច្រៀងមិនយកថវិកាសូម្បីតែរៀលដើម្បីជួយដល់មន្ទីរពេទ្យគន្ធបុប្ផា។
ចំរើន សុភ័ក្រ្ដ ថា នេះគឺជាលើកទី១សម្រាប់ខ្លួន ចូលរួមច្រៀងក្នុងកម្មវិធីតន្ត្រីសប្បុរសធម៌ជាមួយ ក្រុមហ៊ុន តួយ៉ូតា ដើម្បីស្វែងរកថវិកាជួយដល់មន្ទីរពេទ្យគន្ធបុប្ផា។ នាង សង្ឃឹមថានឹងមានការចូលរួមយ៉ាងច្រើនកុះករពីពុកម៉ែប្អូននាល្ងាចថ្ងៃទី៣ ខែ វិច្ឆិកា នេះចាប់ពីម៉ោង ៧:០០ ដល់ម៉ោង៩:០០ នៅសាលមហោស្រពចតុមុខផ្ទាល់តែម្ដង។
“ចាសបងនាង ខ្ញុំមានអ្វីក្រៅពីទឹកចិត្តនោះទេដើម្បីជួយដល់មន្ទីរពេទ្យគន្ធបុប្ផា ហើយសម្រាប់ការប្រគំតន្ត្រីថ្ងៃនេះខ្ញុំយកបទចម្រៀងពីរបទមកបកស្រាយដោយបទទី១ "ឱផ្ទៃស្រុកខ្មែរ" និងទី២ "សារិកាកែវអើយ" ដើម្បីបំពេអារម្មណ៍អ្នកទស្សនាទាំងជាតិ និងអន្តរជាតិ"។
ជាមួយគ្នានេះផងដែរ ឧកញ៉ា គង់ នួន ប្រធានក្រុមហ៊ុនតូយ៉ូតា ប្រចាំនៅកម្ពុជាបានមានប្រសាសន៍ថា ការប្រគំតន្ត្រីតូយ៉ូតា នៅល្ងាចថ្ងៃទី៣ ខែវិច្ឆិកា នេះមានការយាងចូលរួមក្រោមព្រះរាជាអធិបតីភាពដ៏ខ្ពង់ខ្ពស់របស់ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជកម្ពុជា។ នេះក៏ជាលើកទី៤នៃការយាងចូលរួមរបស់ទ្រង់ផងដែរក្នុងព្រឹត្តិការណ៍ប្រគំតន្ត្រីសប្បុរសធម៌ដ៏ធំសម្បើមនេះ។
បន្ថែមពីនេះលោក ឧកញ៉ា ថាចាប់តាំងពីថ្ងៃផ្សព្វផ្សាយមកដល់ថ្ងៃដាក់បញ្ចាំងនេះចំណូលដែលបានមកពីការលក់សំបុត្រតន្ត្រីសប្បុរសធម៌សរុបបា ២៥ ២០០ ដុល្លារអាមេរិកហើយ។ លើសពីនេះក្រុមហ៊ុនតូយ៉ូតាបានបន្ថែមថវិកាផ្ទាល់ខ្លួន ២៣ ០០០ ដុល្លារអាមេរិកទៀត ដោយមិនរាប់បញ្ចូលថវិកាដែលប្រមូលបានពីប្រអប់សប្បុរសផ្សេងទៀតឡើយ។
“បាទចំពោះថវិកាដែលប្រមូលបានទាំងអស់ដូចរៀបរាប់ខាងលើ នឹងត្រូវបរិច្ចាគដោយផ្ទាល់ពីតំណាងក្រុមហ៊ុន តូយ៉ូតា ទៅកាន់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរក្នុងខេត្តសៀមរាបនៅថ្ងៃទី៩ ខែ វិច្ឆិកា ឆ្នាំ២០១៨ខាងនេះ"៕
