Shawn Mendes បញ្ចេញវីដេអូបទ "Youth” ជាផ្លូវការ បង្កប់អត្ថន័យជ្រាលជ្រៅ

2018-11-06 03:05:00
ចម្រៀង

2018-11-06 03:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជិត១សប្ដាហ៍ហើយ ក្រោយតារាចម្រៀង Shawn Mendes បញ្ចេញវីដេអូបទ "Lost In Japan” ជាផ្លូវការមកនោះ។ ជាមួយគ្នានេះដែរ កាលពីម្សិលមិញនេះ តារាចម្រៀងប្រុសដ៏ស្រស់សង្ហារូបនេះ ទើបតែបញ្ចេញវីដេអូថ្មីផ្លូវការរបស់បទ "Youth” ដែលរូបភាព និងខ្លឹមសារបទចម្រៀង គឺពោរពេញដោយអត្ថន័យយ៉ាងជ្រាលជ្រៅ។

“Youth” ជាបទចម្រៀងមួយបទដែលនិពន្ធឡើង ក្នុងបំណងឧទ្ទិសជូនដល់ជនរងគ្រោះក្នុងភេរវកម្មបំផ្ទុះគ្រាប់បែកក្នុងទីក្រុង Manchester កាលពីឆ្នាំ ២០១៧។ ក្រោយសោកនាដកម្មដ៏ឃោរឃៅមួយនោះបានកើតឡើង Shawn បានផ្ញើសារទៅ Dj Khalid ដោយលោកចង់និពន្ធចម្រៀងមួយបទដែលរៀបរាប់ពីជីវិតរបស់យុវវ័យ និងអារម្មណ៍របស់ពួកគេ។

ក្នុងកិច្ចសម្ភាសមួយ Shawn Mendes សារភាពថា បទចម្រៀង "Youth” គឺជាបទមួយដែលលោកពិបាកនិពន្ធជាងគេ។ អ្វីដែលពិបាកនោះ មិនសំដៅលើប្រធានបទរបស់បទចម្រៀងមួយនេះទេ ប៉ុន្តែ អ្វីដែលពិបាកបំផុតជាងគេលើលោកនេះ គឺអង្គុយលេងព្យាណូ ហើយរៀបរាប់ពីអ្វីដែលយើងបានឆ្លងកាត់ក្នុងពិភពលោកនេះ និងការឈឺចាប់ ខូចចិត្តក្នុងកាលៈទេសៈផ្សេងៗគ្នា។

វីដេអូបទចម្រៀងថ្មីនេះដែរ មានការចូលរួមថតពីសំណាក់ក្មេងៗយុវវ័យដ៏គួរឲ្យស្ញប់ស្ញែងជាង ៣០ រូប ក្នុងនោះរាប់ចាប់ពីវិចិត្រករ អ្នកជំនាញរាំ តន្ត្រីករ រហូតដល់ជនរងគ្រោះដែលរួចផុតពីការប្រមាញ់របស់ខ្មាន់កាំភ្លើង៕

ចង់ដឹងវីដេអូបទចម្រៀងនេះ បង្កប់អត្ថន័យយ៉ាងណានោះ ទស្សនាខាងក្រោមនេះ៖