- 2018-12-11 09:03:27
- ចម្រៀង
The Sound Initiative បង្ហាញទឹកដៃពន្លកថ្មីលើវិស័យតន្រ្តី
- 2018-12-11 09:03:27
- ចំនួនមតិ 0 | ចំនួនចែករំលែក 0
The Sound Initiative បង្ហាញទឹកដៃពន្លកថ្មីលើវិស័យតន្រ្តី
ចន្លោះមិនឃើញ
The Sound Initiative (TSI) សហការជាមួយក្រុមហ៊ុនធានារ៉ាប់រងអាយុជីវិតព្រូដិនសលកម្ពុជា បង្កើតថ្នាក់បង្ហាញជាសាធារណៈដល់សិល្បករវ័យក្មេងនៅកម្ពុជាបានទទួលចំណេះដឹងអំពីតន្ត្រីប្រកបដោយផ្លែផ្កា កាលពីពេលថ្មីៗនេះ ដោយមានលោក Justin Hegburg អញ្ជើញមកពី LASALLE Singapore ជាអ្នកបណ្តុះបណ្តាល។
លោក Justin Hegburg បានឲ្យដឹងថា ទោះជាការបណ្តុះបណ្តាលរយៈពេលខ្លីក៏ពិតមែន តែទទួលលទ្ធផលល្អ ដោយអ្នកចូលរួមទាំងអស់បានចំណាយពេលស្តាប់តន្រ្តី និងជជែកដេញដោលយ៉ាងផុសផុលអំពីតន្រ្តី។ នៅពេលសួរថា លោកយល់យ៉ាងណាអំពីធនធានមនុស្សក្នុងវិស័យតន្រ្តី គ្រូបណ្តុះបណ្តាលខាងលើមានសុទិដ្ឋនិយមថា វិស័យតន្រ្តីនៅកម្ពុជានឹងរីកចម្រើន ព្រោះលោកឃើញយុវជនជំនាន់ក្រោយមានសក្តានុពលលើវិស័យនេះច្រើន។
ក្រោយឆ្លងកាត់វគ្គបណ្តុះបណ្តាលរយៈពេលខ្លី និងបិទបញ្ចប់ឆមាសទី១ខាងមុខនេះ The Sound Initiative នឹងមានរៀបចំការប្រគំតន្ត្រីមួយ ដែលមានការចូលរួមសម្តែងពីតន្ត្រីករដែលបានចូលរួមក្នុងកម្មវិធីរបស់ TSI ដោយពួកគេនឹងនាំនូវបទចម្រៀងដ៏ថ្មីសន្លាងដែលចេញពីសា្នដៃនិពន្ធក្នុងរយៈពេល៣ខែកន្លងមកនេះ។
កាលបរិច្ឆេទ៖ ថ្ងៃទី១៩ ខែធ្នូ ២០១៨
ម៉ោង៖ ៦រសៀល ដល់ ៨យប់
ទីតាំង៖ Java Creative Cafe - Counterspace
លក្ខខណ្ឌចូលរួម៖ បានតែលិខិតអញ្ជើញតែប៉ុណ្ណោះ។
