- 2019-01-04 03:58:01
- ព័ត៌មាន
ទាក់ទងគ្នាវិញមិនទាន់បានប៉ុន្មានផង ឥឡូវ Gigi និង Zayn បានចែកផ្លូវគ្នាសាជាថ្មី
- 2019-01-04 03:58:01
- ចំនួនមតិ 0 | ចំនួនចែករំលែក 0
ទាក់ទងគ្នាវិញមិនទាន់បានប៉ុន្មានផង ឥឡូវ Gigi និង Zayn បានចែកផ្លូវគ្នាសាជាថ្មី
ចន្លោះមិនឃើញ
តារាម៉ូដែល Gigi Hadid និងតារាចម្រៀង Zayn Malik ត្រូវបានឲ្យដឹងថា បានបញ្ចប់ទំនាក់ទំនងគ្នាសាជាថ្មី។
តាមប្រភពមួយបានប្រាប់សារព័ត៌មាន US Weekly និង Entertainment Tonight ថា៖ "ពួកគេបានបញ្ចប់គ្នាហើយ។ ពួកគេអាចវិលត្រឡប់រកគ្នាវិញ ប៉ុន្តែសម្រាប់ឥឡូវនេះ គ្រប់យ៉ាងត្រូវបានបញ្ចប់ហើយ"។ ទោះជាយ៉ាងណាក៏ដោយ ចំពោះពេលវេលាជាក់លាក់ដែលតារាល្បីទាំង២រូបនេះ បានផ្ដាច់ទំនាក់ទំនងជាមួយគ្នានោះ នៅមិនទាន់បានដឹងច្បាស់នៅឡើយទេ ប៉ុន្តែបើតាមវិបសាយ E!News បានឲ្យដឹងកាលពីម្សិលមិញនេះថា គូស្នេហ៍តារាល្បីរូបនេះ បានចំណាយពេលវេលារៀងខ្លួនចាប់តាំងពីដើមខែវិច្ឆិកាមកម្ល៉េះ។ ចំពោះមូលហេតុនៃការសម្រេចចិត្ត ចែកផ្លូវគ្នាសាជាថ្មីនេះ ក៏នៅមិនទាន់បានបង្ហាញបញ្ជាក់ផងដែរ ខណៈសាមីខ្លួនផ្ទាល់មិនទាន់ចេញមុខបកស្រាយនៅឡើយ។
គួររម្លឹកថា តារាម៉ូដែល Gigi Hadid និងតារាចម្រៀង Zayn Malik បានចែកផ្លូវគ្នាលើកមុន ក្នុងខែមីនា ឆ្នាំ ២០១៨ ក្រោយទាក់ទងគ្នាបាន ២ឆ្នាំ។ ប៉ុន្មានខែក្រោយមក ពួកគេបានត្រឡប់ទាក់ទងគ្នាវិញជាថ្មី៕
