ចេញពី M ស៊ឹម ថៃណា ធ្វើជាតារាចម្រៀងឯករាជ្យ មាន Orginal Song ក្នុងដៃត្រៀមចេញឆាប់ៗ

2019-01-14 02:30:00
ព័ត៌មាន

2019-01-14 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង ស៊ឹម ថៃណា បានចាកចេញពីផលិតកម្ម M ហើយ ដោយពេលនេះ ម្ចាស់បទ "ខ្វល់ពីខ្ញុំផង ទាន់ខ្ញុំនៅក្បែរ" វិវត្តន៍ខ្លួនមកជាតារាចម្រៀងឯករាជ្យ ដោយផលិតបទចម្រៀង Original Song ចំនួន១បទ ត្រៀមចេញក្នុងពេលឆាប់ៗនេះ។

តារារូបនេះ បានបញ្ជាក់ថា បានចាកចេញពីផលិតកម្មមានរយៈពេលជាងកន្លះឆ្នាំមកហើយ ចាប់តាំងពីម្ដាយបានទទួលអនិច្ចកម្មមកម្ល៉េះ។ ហេតុផល ត្រូវបានកញ្ញា ថៃណា អះអាងថា ដោយសារចង់ស្វែងរកអ្វីដែលខ្លួនចង់ធ្វើ មិនរងអារម្មណ៍ពីបុគ្គលណាម្នាក់។ តារារូបនេះ យល់ថា ខ្លួនធ្វើជាតារាចម្រៀងឯករាជ្យសក្ដិសមជាងតារាចម្រៀងចុះកុងត្រា ព្រោះកញ្ញាជាមនុស្សចូលចិត្តធ្វើការងារតាមអារម្មណ៍ ដូច្នេះបើមានបទចម្រៀងចង់ច្រៀងពេលណាក៏ចេញ ជាសិទ្ធសេរីភាពមួយដែលកញ្ញាចង់បានច្រើនជាង។

នៅពេលក្លាយជាតារាចម្រៀងឯករាជ្យវិញ ថៃណា ទទួលស្គាល់ថាជួបការលំបាកខ្លះដែរ តែក្រុមការងាររបស់ខ្លួន សុទ្ធតែសកម្មនិងខ្នះខ្នែង ។ ដូច្នេះបទចម្រៀងថ្មីបែបមនោសញ្ចេតនាត្រៀមចេញដែលមានលាយបញ្ចូលភ្លេងបុរាណនោះ ប្រាកដជាអាចអង្រួនចិត្តអ្នកគាំទ្របាន មិនខាន តែចំណងជើង កញ្ញាសុំលាក់សិន។

ចំពោះការងារសិល្បៈវិញ តារាស្រីធ្លាប់រងព័ត៌មានថា ស្រលាញ់ភេទដូចគ្នា ប្រាប់ថា មិនសូវមមាញឹកច្រើនឡើយ តែយ៉ាងណាខ្លួននៅតែខំប្រឹងជាមួយការងារនេះ ដោយជំហានដំបូង គឺចេញមួយបទសិន ដើម្បីស្ទាបស្ទង់ទីផ្សារ៕