- 2019-01-17 02:04:00
- ព័ត៌មាន
ត្រចៀកកាំ បង្ហើបគន្លឹះងាយៗសម្រករាងបានដល់ទៅជាង ១៣គីឡូ ដោយមិនបាច់ប្រើថ្នាំ
- 2019-01-17 02:04:00
- ចំនួនមតិ 0 | ចំនួនចែករំលែក 0
ត្រចៀកកាំ បង្ហើបគន្លឹះងាយៗសម្រករាងបានដល់ទៅជាង ១៣គីឡូ ដោយមិនបាច់ប្រើថ្នាំ
ចន្លោះមិនឃើញ
ប៉ុន្មានឆ្នាំចុងក្រោយ សង្កេតឃើញថាសម្រស់របស់តារាសម្ដែងចិន Zhao Wei ឬត្រចៀកកាំកាន់តែស្រស់ស្អាត ដូចកាលពីនៅយុវវ័យ ខុសពីកាល២ឆ្នាំមុនដែលគីឡូរបស់នាងឡើងខ្លាំង ឃើញគួរភ្ញាក់។
ដោយសាររាងនៅតែខ្ញង់ ក្រោយសម្រកបានជោគជ័យ ដល់ទៅជាង ១៣គីឡូបែបនេះហើយទើប អ្នកគាំទ្រមិនតិចឡើយដែលចង់ដឹងពីតិកនិកក្នុងការថែរក្សារបស់នាង។ តើអ្នកម្ដាយកូន១នេះមានវិធីសាស្ត្រយ៉ាងណាខ្លះ មកដឹងដូចខាងក្រោម៖
១. រូបមន្តតមចំណី
Zhao Wei ប្រាប់ថា នាងគឺជាមនុស្សម្នាក់ដែលញ៉ាំច្រើន។ នាងតែងចាប់ចង្កឹះញ៉ាំអាហារមុនគេ និងតែងក្លាយជាអ្នកញ៉ាំហើយក្រោយគេជានិច្ច។ ប៉ុន្តែក្រោយមកនារីវ័យ ៤៤ឆ្នាំរូបនេះក៏ចាប់ផ្ដើមព្យាយាមតមអាហារមិនចាំបាច់មួយចំនួន ដោយញ៉ាំតិចៗ និងធ្វើលំហាត់ប្រាណ។
២. ធ្វើទឹកផ្លែឈើញ៉ាំខ្លួនឯងនៅផ្ទះ
ប្រភេទទឹកផ្លែឈើដែលនាងញ៉ាំ ធ្វើឡើងដោយនាងខ្លួនឯង ហើយវាមានប្រយោជន៍ខ្ពស់បំផុតសម្រាប់សុខភាព ពិសេសមានប្រសិទ្ធភាពក្នុងការសម្រករាង។ គ្រឿងផ្សំសម្រាប់ទឹកក្រឡុកសម្រកនោះរួមមាន៖ត្រសក់ ផ្លែប៉ោម ប៉េងប៉ោះ ម្រះ ខ្ទឹមស ខ្ទឹមបារាំង ព្រមទាំងបន្ថែមជាមួយម្ទេសផងដែរ។
៣. ហែលទឹក
វិធីហាត់ប្រាណដែល Zhao Wei តែងធ្វើជាប្រចាំគឺ ហែលទឹក ព្រោះវាអាចធ្វើឲ្យជើងរបស់នាងស្លីមស្អាត។ ក្រៅពីមានរាងស្អាតហើយ ការហែលទឹកក៏មានប្រយោជន៍អាចជួយឲ្យថ្លើមមានសុខភាពបានល្អទៀតផង។ ត្រឹមអនុវត្តប្រមាណកន្លះម៉ោងប៉ុណ្ណោះ ប៉ុន្តែនាងទទួលបានវិញនូវលទ្ធផលគាប់ចិត្តជាច្រើន៕
