- 2019-01-24 03:15:21
- ព័ត៌មាន
ឡូយបាត់! ឌីជេ Nana លេងប្រកាសរកអ្នកញ៉ាំអាហារពេលល្ងាចជាមួយចឹងហ្មង!
- 2019-01-24 03:15:21
- ចំនួនមតិ 0 | ចំនួនចែករំលែក 0
ឡូយបាត់! ឌីជេ Nana លេងប្រកាសរកអ្នកញ៉ាំអាហារពេលល្ងាចជាមួយចឹងហ្មង!
ចន្លោះមិនឃើញ
ឌីជេ Nana ដែលជាសិល្បករ ពិធីករ មានថ្វីមាត់ និងកំពុងលើកកម្ពស់ការអាន និងការលក់សៀវភៅថ្មី ឈ្នោះ Ryna បានប្រកាសរកមិត្តអ្នកអានម្នាក់ សម្រាប់រួមតុអាហារពេលល្ងាចជាមួយនាង។
ឌីជេ ដែលកំពុងស្ថិតក្នុងបេសកកម្មលក់សៀវភៅ «ទម្រាំក្លាយជាអ្នកនិពន្ធ» បានប្រាប់ថា បុគ្គលដែលនាងទន្ទឹងចាំមករួមតុអាហារពេលល្ងាចជាមួយនេះ គឺជាប្រិយមិត្តរបស់សៀវភៅខាងលើតែម្ដង។
Nana លើកឡើងថា៖ "ចង់ប៉ាវអ្នកមានសៀវភៅនេះបាយល្ងាចម្តង។ comment ដោយសរសេរថាអ្នកបានរៀនអ្វីខ្លះពីវា [សៀវភៅ «ទម្រាំក្លាយជាអ្នកនិពន្ធ» ] ។ ខ្ញុំនឹងជ្រើសរើសម្នាក់ ដើម្បីប៉ាវអាហារពេលល្ងាច នៅថ្ងៃនេះ ២៦ មករា ខាងមុខនេះ។" គ្រាន់តែសារមួយនេះ ធ្លាក់ទៅលើបណ្តាញសង្គមភ្លាម ក៏ស្រាប់តែ មានអ្នកចូល Comments រាប់រយនាក់ លើសពីការស្មាន។
យ៉ាងណា មកទល់នឹងពេលនេះ មិនទាន់មានដំណឹងថា អ្នកណាម្នាក់ក្នុងចំណោមនោះ ត្រូវបានជ្រើសរើសដោយ Nana នៅឡើយទេ។
ចំណុចគួរកត់សម្គាល់សារ ឆ្លើយតបដ៏ច្រើននោះ ស្រាប់តែធ្វើឱ្យអ្នកនិពន្ធ ម៉ីសន សុធារី ម្ចាស់មានសេចក្តីរំភើបយ៉ាងខ្លាំង។ អ្នកនិពន្ធរូបនេះ អះអាងថា ខ្លួនមិននឹកស្មានសោះថា មានការគាំទ្រ ក៏ដូចជាអ្នកអានសៀវភៅ "ទម្រាំក្លាយជាអ្នកនិពន្ធ" ច្រើនយ៉ាងហ្នឹង។
គួរបញ្ជាក់ផងដែលថាសៀវភៅ "ទម្រាំក្លាយជាអ្នកនិពន្ធ" ជាសៀវភៅខ្នាតតូចមួយដោយបង្កប់សារអប់រំ និងបទពិសោធន៍ការងារជាអ្នកនិពន្ធជាង ២០ ឆ្នាំរបស់អ្នកនិពន្ធ ម៉ីសន សុធារី។ តាមការឲ្យដឹង ពី Nana សៀវភៅតូចខាងលើ ជាប់ជាសៀវភៅកំពុងលក់ដាច់ជាងគេក្នុងចំណោមសៀវភៅថ្មីនិពន្ធក្នុងឆ្នាំ ២០១៨ មកដល់បច្ចុប្បន្ន។
និយាយពីការរើសដៃគូញុំាបាយល្ងាចវិញ ត្បិតថាគិតត្រឹមនេះ មិនទាន់មានបង្ហាញអត្តសញ្ញាណ ប៉ុន្តែគេរំពឹងថា Nana អាចនឹងបញ្ចេញឲ្យដឹងថា អ្នកអានរូបណា ដែលនាងនឹងរួមតុអាហារពេលល្ងាចជាមួយ៕
