កូនខ្មែរមួយរូបមានប្រវត្តិធ្លាប់ប្រលូកក្នុងវិស័យតន្ត្រីនៅអាមេរិកខ្លាំងមិនធម្មតា

2019-05-03 07:46:50
ចម្រៀង

2019-05-03 07:46:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហាន កាវី ជាកូនខ្មែរមានដើមកំណើតមកពី ខេត្តបាត់ដំបង សព្វថ្ងៃជានាយកប្រតិបត្តិនៅផលិតកម្ម Seila Records ។ បុរសវ័យ ៤២ ឆ្នាំរូបនេះមានបទពិសោធន៍ទាក់ទងនឹងផ្នែកតន្ត្រីនៅប្រទេសអាមេរិកខ្លាំងមិនធម្មតាទេមុននឹងក្លាយជានាយកប្រតិបត្តិរបស់ Seila Records នៅកម្ពុជាដូចសព្វថ្ងៃនេះ។

បុរសដែលជាកូនបងគេក្នុងគ្រួសាររូបនេះបានចាកចេញពីស្រុកខ្មែរទៅអាមេរិកតាំងពីរូបលោកមានអាយុ ១៣ ឆ្នាំមកម្ល៉េះពោលគឺក្នុងឆ្នាំ ១៩៨៩។ ដំណើរចាកចេញរបស់លោក គឺដើម្បីទៅសិក្សាផ្នែក Sound engineer ដែលទាក់ទងនឹងវិស័យភាពយន្ត។ នៅអាយុ ១៦ ឆ្នាំនាយកប្រតិបត្តិរូបនេះបានចាប់ផ្ដើមលេងភ្លេង និងមានជាក្រុមភ្លេងនៅសហរដ្ឋអាមេរិកផងដែរ។

លើសពីនេះរូបលោក កាវី ក៏ធ្លាប់មានជាផលិតកម្មនៅអាមេរិក និង ថៃរួចមកហើយមុនពេលត្រឡប់មកស្រុកខ្មែរវិញ។ចំពោះឧបករណ៍តន្ត្រីវិញ លោកអាចលេងបានរហូតដល់ទៅ ៣ ប្រភេទគឺ ហ្គីតា ហ្គីតាបាស និង ស្គរ ។ ទាំងនេះហើយជាឱកាសដែលធ្វើឲ្យលោកចាប់បានតំណែងធ្វើជា Judge របស់កម្មវិធីប្រកួតចម្រៀងលក្ខណៈជាក្រុមដំបូងគេបំផុតនៅ

កម្ពុជាគឺ Battle of the Band Cambodia។

ដោយសារតែមើលឃើញពីទេពកោសល្យ និងស្នាដៃក្នុងវិស័យតន្ត្រីរបស់កូនខ្មែរ ទើបជំរុញទឹកចិត្តរបស់លោកក្នុងការត្រលប់មកស្រុកកំណើតវិញ ដើម្បីចូលរួមលើកស្ទួយវិស័យតន្ត្រី ក៏ដូចជាកូនខ្មែរជំនាន់ក្រោយដែលមានស្នាដៃដោយការបង្កើតឡើងនូវផលិតកម្ម Seila Records នេះឯង។

ប្រិយមិត្តនឹងបានឃើញ ស្គាល់លោក ហាន កាវី ក្នុងការប្រកួតចម្រៀងបែបជាក្រុមហៅថា Battle of the Band ដែលនឹងចាប់ផ្ដើមជាថ្មីបងទៀតនៅចុងខែ ឧសភានេះសម្រាប់វគ្គពាក់កណ្ដាលផ្ដាច់ព្រ័ត្រ។ ដូច្នេះកុំភ្លេចការប្រកួតចម្រៀងជាក្រុម ដ៏រំជើបរំជួលសម្រាប់យុវវ័យនៅ Exchange Square ៕