- 2019-05-06 06:45:00
- ចម្រៀង
ចំណុចល្អៗ គណៈកម្មការ ផ្ដល់ដល់៤ក្រុម ដើម្បីអភិវឌ្ឍន៍ក្រុមឲ្យកាន់តែខ្លាំងនាពេលខាងមុខ
- 2019-05-06 06:45:00
- ចំនួនមតិ 0 | ចំនួនចែករំលែក 0
ចំណុចល្អៗ គណៈកម្មការ ផ្ដល់ដល់៤ក្រុម ដើម្បីអភិវឌ្ឍន៍ក្រុមឲ្យកាន់តែខ្លាំងនាពេលខាងមុខ
ចន្លោះមិនឃើញ
កម្មវិធី The Battle of the Bands Cambodia 2019 បានចម្រាញ់ដោយរកឃើញ៤ក្រុម សម្រាប់ត្រៀមទៅប្រកួតវគ្គផ្ដាច់ព្រ័ត្រ។ ទន្ទឹមនឹងនេះ ៤ក្រុមផ្សេងទៀតបានខកខាន ហើយគណៈកម្មការ បានបង្ហាញចំណុចដែលត្រូវកែលំអ ដើម្បីធ្វើឲ្យប្រសើរនាពេលក្រោយ។
១. ក្រុម Khmeng Samrae ក្រុមនេះបានយកបទចម្រៀងពីដើមមក Cover ច្នៃលេងជាចង្វាក់ថ្មីគួរឲ្យចាប់អារម្មណ៍។ ប៉ុន្តែចំណុចដែលត្រូវកែលម្អនោះ គឺគួរជ្រើសរើស បទសមស្របតាមទេពកោសល្យ ដើម្បីឲ្យការលេង មើលទៅមូលគ្នា និងបង្កើតភាពរំភើបញាប់ញ័រ ដល់អ្នកទស្សនិកជន។
២. ក្រុម Kstorm
ក្រុមនេះបានលើកយកបទចម្រៀង Original Song ចំណងជើង "ហេតុអ្វី" មកបង្ហាញជូនទស្សនិកជន។ ចំណុចដែលត្រូវកែលម្អ គឺព្យាយាមលេងឲ្យស្មើ កុំឡើងចុះ ត្រង់កន្លែងដែលមិនចាំបាច់។ ក្រៅពីនេះ គួរព្យាយាមលេងឲ្យស៊ីចង្វាក់គ្នា ដើម្បីអន្ទងចិត្តគណៈកម្មាធិការបាន។ គណៈកម្មការ បញ្ជាក់ថា បញ្ហាអាចមកពិពេលវេលាហាត់សមខ្លី បើពួកគេមានពេលគ្រប់គ្រាន់ ពួកគេនឹងធ្វើបានល្អមិនខាន។
៣. ក្រុម Garuda
ក្រុមយុវវ័យនេះ បានលើកយកបទថ្មី មានចំណងជើងថា "លែងដៃ" ជាបទចម្រៀងតែងនិពន្ធថ្មីសុទ្ធសាធ ដែលគួរឲ្យសរសើរ។ ចំណុចត្រូវកែលម្អ គឺព្យាយាមពង្រឹងស្មារតី កុំភ័យ នោះពួកគេនឹងល្អសម្រាប់ពេលខាងមុខ។
៤. ក្រុម Bestlife
ក្រុមនេះបានលើកយកបទចម្រៀងបែបមនោសញ្ចេតនាមកសម្ដែង។ តាមគណៈកម្មាធិការបានលើកឡើងថា ក្រុមនេះ នៅខ្វះទំនុកចិត្ត។ ដូច្នេះ មិនខុសពីប៉ុន្មានក្រុមខាងលើដែរ គឺអាចមកពេលវេលាហាត់សមខ្លី ទើបធ្វើឲ្យស្មារតីជាក្រុមនៅមិនបានល្អដល់កម្រិត។ ប៉ុន្តែបន្ទាប់ពីនេះទៅ គណៈកម្មការយល់ថា ពួកគេនឹងជាក្រុមខ្លាំងមួយមិនខាន។
គួរបញ្ជាក់ថា កាលពីប្រលងថ្ងៃទី ២០ ខែមេសា ឆ្នាំ ២០១៩ នៅ ហាងកាហ្វេ The Hard Rock Cafeក្នុងផ្សារទំនើប Exchange Square កម្មវិធី Battle of the Bands Cambodia 2019 មានក្រុមសម្ដែងសរុប៨ក្រុមដូចជា ក្រុម Khmeng Samrae ក្រុម Kstorm ក្រុម Garuda ក្រុម Bestlife ក្រុម Hashtag ក្រុម De' first ក្រុម Sweet Band ក្រុម Batbangers ។ ក្នុងនោះ ៤ក្រុមគឺ Hashtag ,De' first , Sweet Band និង Batbangers បានឡើងទៅវគ្គផ្ដាច់ព្រ័ត្រ។ សម្រាប់ការប្រលងយកជយលាភី នឹងប្រព្រឹត្តឡើងនៅថ្ងៃ២៥ ខែឧសភា ២០១៩ នៅ Exchange Square ចាប់ពីម៉ោង៦យប់តទៅ។
ចុចអាន៖ រកឃើញក្រុមខ្លាំង ឡើងទៅវគ្គផ្តាច់ព្រ័ត្រនៃកម្មវិធី Battle of the Bands Cambodia 2019
