- 2019-05-21 07:05:00
- ចម្រៀង
ថ្ងៃផ្តាច់ព្រ័ត្រ Battle of the Bands Cambodia មិនត្រឹមឃើញទាំង៤ក្រុមប្រកួត តែបានជួប Idol ច្រើននាក់ថែមទៀត
- 2019-05-21 07:05:00
- ចំនួនមតិ 0 | ចំនួនចែករំលែក 0
ថ្ងៃផ្តាច់ព្រ័ត្រ Battle of the Bands Cambodia មិនត្រឹមឃើញទាំង៤ក្រុមប្រកួត តែបានជួប Idol ច្រើននាក់ថែមទៀត
ចន្លោះមិនឃើញ
មិនឲ្យទស្សនិកជនខកបំណងទេ ព្រោះមិនត្រឹមបានទស្សនាការប្រកួតយកជយលាភីក្នុងកម្មវិធី Battle of the Bands Cambodia នៅថ្ងៃ ២៥ ខែឧសភា ឆ្នាំ ២០១៩ នោះទេ តែទស្សនិកជនក៏មានឱកាសបានឃើញការសម្ដែងផ្ទាល់ពីតារាចម្រៀង និងក្រុមចម្រៀងល្បីៗថែមទៀត។
អ្វីកាន់តែជក់ចិត្តទៀតនោះ សូម្បីគណៈកម្មការនៃកម្មវិធីប្រកួតនេះ គឺលោក Euan Gray និង លោក កង ពិសិដ្ឋ ក៏ចូលរួមសម្ដែង ឲ្យកក្រើកឆាកក្នុងថ្ងៃផ្តាច់ព្រ័ត្រនេះ ផងដែរ។
បើតាម កញ្ញា ម៉ាប់ ស្រីមុំ ជំនួយការផលិតករ ប្រាប់ថា វត្តមានតារាចូលរួមមានដូចជា ក្រុម Dark Storm ក្រុម Suffer មកពីផលិតកម្ម Seila Records ព្រមទាំងលោក កង ពិសិដ្ឋ រួមនឹងសមាជិកក្រុម Coconut ក៏ដូចជា លោក Euan Gray នឹងបង្ហាញការសម្ដែងរបស់ខ្លួនជាមួយតារាចម្រៀង រ៉េត ហ្ស៊ូសាណា ឲ្យទស្សនិកជនបានឃើញ យ៉ាងប្លែកភ្នែកតែម្តង។
កុំភ្លេចចូលរួមទស្សនា ឲ្យបានច្រើនកុះករ នៅផ្សារទំនើប Exchange Square ចាប់ពីម៉ោង ៦ល្ងាចតទៅ។ ចំពោះសំបុត្រចូលទស្សនា មិនគិតថ្លៃឡើយ ដោយអាចរកបាននៅស្តង់ Cellard នៅច្រកចូលរបស់ Battle of the Bands Cambodia ផ្ទាល់ក៏បាន។ ម្យ៉ាងទៀត អាចកក់សំបុត្រតាម Link នេះក៏បាន។ សូមបញ្ជាក់ថា កន្លែងមានកំណត់ ហើយសំបុត្រក៏មានកំណត់ដែរ ដូច្នេះសូមរួសរាន់ឡើង។
គួររំលឹកថាទាំង៤ក្រុមប្រកួតថ្ងៃផ្ដាច់ព្រ័ត្ររួមមាន ក្រុម Hashtag ក្រុម Sweet Band ក្រុម Batbangers និងក្រុម De' first ។ សម្រាប់ជយលាភីនៃកម្មវិធីនេះនឹងទទួលបានប្រាក់រង្វាន់ដល់ ២៥០០ដុល្លារ ព្រមទាំងកុងត្រាផលិតចម្រៀងជាមួយ Seila Records ទៀតផង ខណៈរង្វាន់លេខ២ ទទួលបានទឹកប្រាក់ ១៥០០ដុល្លារ និងលេខ៣ ទទួលបាន ៧៥០ដុល្លារ ៕
